Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Reis
Rondrits: In die spore van legendes
Haight-Ashbury in San Francisco is bekend as die beginpunt van die hippie-beweging.

Hulle het dalk bomenslike musiek gemaak, maar bekende kunstenaars uit die verlede (en hede) was ook maar gewone mense. As jy ’n idee wil kry van hoe jou gunsteling-kunstenaars geleef het en wat hulle elke dag in hul buurt gesien het, besoek dié stede.

Johnny Cash en Elvis

Besoek RCA se Studio B in Nashville, Tennessee, in die VSA, waar legendes soos Johnny Cash en Elvis Presley hul musiek opgeneem het. Dolly Parton vertel in haar boek My ­Life and Other Unfinished Business hoe sy deur ’n muur van dié gebou gery het (dis steeds sigbaar) toe sy laat was vir ’n opname. Die Johnny Cash-museum is ook in dié stad.

The Beatles

Hulle het dalk later in private vliegtuie gevlieg en die duurste sjampanje gedrink, maar voordat hulle bekend was, het The Beatles gereeld in Liverpool, Engeland, gekuier. John Lennon en Paul McCartney het per bus na hul gunsteling-kroeë in die stad gery. Lennon het in die laat 1950’s by die

Liverpool College of Art studeer. Strawberry Field, ’n kinderhuis in Woolton, ’n voorstad van Liverpool, was die inspirasie vir hul gewilde liedjie “Strawberry Fields Forever”. Vandag word boodskappe aan en lirieke van The Beatles voor die perseel se hekke gelos of selfs op die mure geverf.

Janis Joplin en Jimi Hendrix

Loop in die voetspore van Janis Joplin, Jimi Hendrix en The Grateful Dead in San Francisco in die VSA. Die buurt Haight-Ashbury is bekend as die episentrum van die hippiebeweging, asook die blues en alternatiewe rock waarmee dié kunstenaars die musiekwêreld verander het. Vandag nog word byna daagliks tromsessies op Hippie Hill in dié woonbuurt gehou – wees net versigtig vir die brownies wat te koop is.

‘The Sound of Music’

As jy ’n aanhanger van die musiekblyspel en fliek The Sound of Music is, moet jy eenvoudig Salzburg, Oostenryk, besoek om te sien hoe dié bekende tonele in die regte lewe lyk en wat die akteurs gesien het toe hulle daar verfilm het: grasgroen heuwels en koeie met klokke om die nek in die somer, of hope wintersneeu en waserige blou berge in die agtergrond in die winter.

* Trafalgar bied toere na al dié bestemmings en hul besienswaardighede uit die musiekgeskiedenis aan. Besoek trafalgar.com vir meer.

Meer oor:  Elvis Presley  |  Jimi Hendrix  |  Liverpool  |  Nashville  |  San Francisco
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.