Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Begroting
Tito verras met BTW wat dieselfde bly
belasting

Ondanks bespiegelinge dat belasting op toegevoegde waarde (BTW) waarskynlik verhoog sal word, het Tito Mboweni, minister van finansies, almal verras en dit onveranderd op 15% gelaat.

In aanloop tot die begrotingsrede van Woensdag het sommige ekonome gemeen dat die minister geen keuse gaan hê as om dit te verhoog nie.

Die ekonome wat aan Netwerk24 se peiling in aanloop tot die begrotingsrede deelgeneem het, was wel baie verdeeld hieroor.

Emile du Plessis, ekonoom by Finometrica, het verwag dat die koers onveranderd gelaat sou word.

“ ’n BTW-verhoging gaan die laerinkomstegroepe die meeste raak en te midde van lae ekonomiese groei, gaan dit onveranderd gelaat word om besteebare inkomste te ondersteun.”

Ulrich Joubert, ’n onafhanklike ekonoom, het ook gesê daar is nie enige ruimte vir verdere belastingverhogings nie. “Die klem moet op die bestedingskant val om korrupsie, wanbesteding en vermorsing stop te sit, asook om die (staat se) salaris- en loonrekening te laat krimp.”

Mike Schüssler, hoofekonoom by Economists.co.za, het wel ’n styging van 1 persentasiepunt verwag.

“Die minister moet ’n begrotingstekort van 6,7% van die bruto binnelandse produk (BBP) vul. ’n Hoër BTW-koers kan ’n bykomende R25 miljard vir die staat verdien.”

Chris Harmse, ekonoom by Rebalance Fund Managers, het ook gedink dat ’n BTW-verhoging van 1 persentasiepunt aangekondig sou word. “Die belastingbasis is net te klein en weens die verwagte swak ekonomiese groeikoers gaan Mboweni verplig wees om dit te verhoog.”

Die tesourie skryf in die begroting dat verbruikers tans bloot net onder te veel druk is en dat daar nie verwag kan word om meer geld vir die staat deur middel van belasting in te samel nie.

Meer oor:  Ekonomie  |  Btw  |  Belasting  |  Begrotingsrede  |  Brandstof  |  Begroting2020  |  Taks
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.