Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Eiendomme
Dié is nie dom vrae nie

Vra is vry – en veral in die eiendomsmark word agente daagliks met honderde vrae van kliënte gebom-bardeer. Net soos jy op skool geleer het,  is daar egter nie iets soos ’n dom vraag  nie, en volgens Johan van Schalkwyk van die Leapfrog Property Group bied dit agente ’n gulde geleentheid om kliënte op te voed.

Die eiendomsadviseurs by die agentskap skerts dat as hulle R5 gehad het vir elke keer dat ’n kliënt hulle een van die onderstaande vrae gevra het, sou hulle al skatryk wees.

Maar alle grappies op ’n stokkie vir eers. Ons vind die vrae wat ons kliënte gereeld vra baie interessant omdat dit gewoonlik baie relevant is.

Dit bied eiendomsagente ook ’n goeie geleentheid om kliënte reg in te lig en op te voed oor sekere aspekte van die bedryf.

Ons het ’n paar van Leapfrog se eiendomsagente van oor die land heen gevra watter vrae hulle die meeste op ’n gewone werkdag van kliënte kry.

Hier is die topvyf:

Wat is die waarde van my eiendom?

Die sakeman Warren Buffett het dit waarskynlik die beste gestel: “Die prys is wat jy betaal. Die waarde is wat jy kry.”

Agente kan jou ’n markverwante skatting gee van waarvoor jy jou eiendom kan verkoop, gebaseer op bedryfsten-
dense, navorsing, die vraag na eiendom in die woongebied waar dit geleë is, asook watter kenmerke jou eiendom het.

Waarde, weer, is meer subjektief en word in wese bepaal deur wat ’n koper bereid is om vir ’n eiendom te betaal.

Vanweë die feit dat inligting oor eiendom nou geredeliker beskikbaar is danksy al die aanlyn platforms en ander hulpbronne wat deesdae bestaan, gaan voornemende kopers nou slimmer te werk om navorsing te doen oor potensiële beleggings.

Dit beteken dat kopers nou beter ingelig is en dat verkopers buigsamer met hul verkoopspryse moet wees.

Wat is die beste gebied om in te belê?

Dié vraag is soortgelyk daaraan om te vra hoe lank ’n stukkie tou is, want die antwoord hang van ’n groot aantal faktore af.

Dit sluit in die soort eiendom, die beleggingsopbrengs wat jy graag wil hê, die geriewe in die omgewing, veiligheid en individuele voorkeure.

Oor die algemeen is eiendom oor die land heen ’n goeie belegging. Soos enige belegging moet eiendomsbeleggings egter aktief bestuur word om te verseker dat dit na jou verwagting groei.

Afhangend van wat jou individuele behoeftes en voorkeure is, kan ’n eiendomsagent jou help om faktore soos ligging en toekomstige ontwikkelings te ondersoek as jy dit oorweeg om ’n langtermynbelegging te maak.

Eiendom is uiteindelik ’n baie persoonlike belegging, en behoeftes en begeertes verskil van persoon tot persoon.

Is die koopaanbod bindend?

Ja, ’n getekende koopaanbod is ’n wettige dokument en is bindend.

Dié dokument sit die koopooreenkoms uiteen, wat ook die bepalings en voorwaardes van die transaksie insluit.

As die koper die koopaanbod teken, stem die persoon in tot die bepalings en voorwaardes in wat in die dokument uiteengesit is.

Dit sluit ook die prys in wat die persoon bereid is om vir die eiendom te betaal. As die verkoper tevrede is met die prys wat die koper aanbied, word die dokument ’n bindende verkoopkontrak. Dit is dus belangrik dat jy 100% seker is oor hierdie potensiële belegging voordat jy teken.

Hoe lank is die elektrisiteitsertifikaat geldig?

Wetgewing vereis dat huiseienaars in besit van ’n geldige elektrisiteitsertifikaat (ECOC) moet wees wanneer hulle hul huis verkoop.

Hierdie sertifikaat is twee jaar geldig en is verpligtend. Die sertifikaat is ’n waarborg dat al die bedrading, verspreidingsborde, metaalkomponente en al die ander aspekte van die huis se elektrisiteitstelsel in ’n goeie toestand is.

Wat gebeur nadat die verband toegeken is?

As jou verband goedgekeur word, sal die bank ’n verbandprokureur opdrag gee om dit in die aktekantoor te gaan registreer.

Die verkoper sal opdrag van die oordragprokureur kry om die eiendom na die nuwe eienaar oor te dra.

Die verbandprokureur sal met die oordragprokureur kommunikeer oor die konsep-transportakte, waarna ’n prokureur die verkoper se verband sal kanselleer. Die oordragprokureur kry dan die oorspronklike titelakte en die kansellasiesyfers by die bank en stuur ’n afskrif daarvan aan die verbandprokureur.

Hierna moet sowel die verkoper as die koper die oordragdokumente onderteken.

Die koper is dan vir die oordragkoste verantwoorderlik, terwyl die oordragprokureur onder meer die oordragbelasting betaal.

Sodra al die dokumente onderteken en die koste betaal is, word die dokument vir die oordrag van die eiendom, die nuwe verband en die kansellasie van die ou verband voorberei om by die aktekantoor ingedien te word. Dit neem sowat drie weke vir die prokureurs daar om die dokumente na te gaan en die verband te registreer.

Op die dag dat die registrasie plaasvind, betaal die bank die leningsbedrag oor.

Meer oor:  Huiskoop  |  Eiendomme  |  Oos-Kaap Naweek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.