Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Eiendomme
Doen huiswerk voor ’n veiling

Veilings bied gulde geleenthede om eiendom van goeie gehalte teen markverwante pryse of selfs gedwonge verkoopspryse op te raap.

Dit is natuurlik op voorwaarde dat kopers hul huiswerk deeglik gedoen het voordat hulle begin bie, sê Roy Lazarus, ’n direkteur van Park Village Auctions (PVA).

“Voorbereiding is van kern­belang vir sukses en voornemende kopers moet die betrokke eiendom navors en hulself vertroud maak met die verskillende soorte eiendomsveilings, wat die voorwaardes van die verkoping kan beïnvloed.”

Dié treffende huis in ’n landgoed is ’n uitstekende voorbeeld van die goeiegehalte-eiendomme wat op veilings te kry is teen markverwante pryse.

Ook moet voornemende kopers ’n stewige begroting voor die veiling hê. “Versamel soveel inligting moontlik oor die betrokke eiendom om te bepaal wat dit werd is en wat jy bereid is om daarvoor te betaal,” sê hy.

Doen navorsing oor gemiddelde pryse van huise van ’n soortgelyke grootte in die area om ’n idee van die moontlike waarde van die huis te kry. ’n Goeie afslaer kan ook ’n waardasie gee.

“Oorweeg dan wat die huis vir jou as koper werd is.” Hou in gedagte dat dit gaan oor ligging, ligging, ligging.

Op die besigtigingsdag moet die eiendom van nader beskou en gekyk word na enige herstelwerk en aanpassings wat nodig gaan wees.

Lazarus sê veilingseiendomme word voetstoots verkoop, wat beteken wat jy sien, is wat jy kry. Die koper koop die huis in sy huidige toestand en die verkoper is onder geen verpligting om enige skade te herstel nie, tensy dit anders vermeld word in die verkoopsvoorwaardes.

’n Koper moet egter in gedagte hou dat hy met die transaksie moet voortgaan as hy die hoogste gebie het.

Hy sê kopers moet ’n afskrif van die verkoopsvoorwaardes bekom, wat kwessies soos die bevestigingstydperk, agterstallige eiendomsbelasting en diensgeld, toepaslike BTW, oordragskoste en kommissie sal uiteensit.

Lazarus sê daar mag ’n reserweprys op die eiendom wees, wat beteken dat daar ’n bevestigingstydperk van 14 dae sal wees, waartydens die hoogste bieër se bod óf aanvaar óf verwerp kan word.

Die aard van die verkoping sal ook voorskryf wie aanspreeklik gehou gaan word vir enige uitstaande eiendomsbelasting en diensgeld. Indien trustees of ’n likwidateur die eiendom verkoop, sal die verkoper in die algemeen die koste verhaal. In die geval van ’n baljuverkoping sal die koper aanspreeklik gehou word vir die agterstallige koste.

Hy sê kommissie verskil van afslaer tot afslaer, maar die verkoopsvoorwaardes sal aandui wat die kommissie beloop en wie dit moet betaal.

Hy glo dat ingeligte kopers goed geplaas is om voordeel te trek uit die aanbiedings op eiendomsveilings. “Tussen vrywillige en onderdruk-verkope is ’n verskeidenheid eiendomme beskikbaar wat in elke koper se smaak sal val.”

’n Koper moet egter in gedagte hou dat hy met die transaksie moet voortgaan as hy die hoogste gebie het. “Sodra die hamer val, is die transaksie beklink.”

Meer oor:  Park Village Auctions (Pva)  |  Wenke  |  Veilings  |  Eiendomme
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.