Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
5 grootste banke ook deur Moody’s afgegradeer

Die internasionale graderingsagentskap Moody’s het Dinsdag Suid-Afrika se vyf grootste banke afgegradeer.

Dit kom ná die afgradering van die land se staatseffekte verlede Vrydagaand.

Moody’s sê in ’n verklaring die langtermyn- plaaslike en buitelandsevaluta-deposito-graderings van Standard Bank, FirstRand Bank, Absa, Nedbank en Investec is van Ba1 tot Ba2 afgegradeer.

Die graderings van twee beheermaatskappye – die Standard Bank-groep en Absa-groep – is ook van Ba2 tot Ba3 afgradeer.

’n Negatiewe vooruitsig is op die gradering van al sewe ondernemings behou.

“Die afgraderings van die vyf banke weerspieël die verswakking in die kredietwaardigheid van die Suid-Afrikaanse regering.”

“Die verswakking van die regering se kredietprofiel het direkte gevolge vir die banke gegewe hul aansienlike belang in die staatseffekte wat hulle op hul balansstate hou.”

Volgens Moody’s het die vyf banke se direkte en indirekte blootstelling aan staatskuld (insluitende lenings aan staatsondernemings) van 176% einde Desember 2019 tot 200% van hul gesamentlike kapitaal einde Junie verhoog.

Nog ’n rede vir die afgradering is die stelselmatige verswakking in die banke se eie kredietprofiele weens die koronaviruspandemie wat ’n reeds moeilike bedryfsomgewing vererger.

Meer oor:  Investec  |  Nedbank  |  Moody's  |  Standard Bank  |  Absa  |  Firstrand  |  Afgradering  |  Banke  |  Kredietgradering  |  Bankbedryf  |  Staatskuld  |  Rommelstatus  |  Kredietgradeerders
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.