Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Davos: Gesprekke oor Trump-beleid oorheers
Pres. Donald Trump van Amerika. Foto: Reuters

Die Wêreld- Ekonomiese Forum is in volle gang in Davos, Switserland, waar wêreldleiers in alle sfere tot Vrydag byeen is om te netwerk, beleggings te probeer werf en die wêreldekonomie te ontleed.

Onderwerpe so wyd as seksuele teistering en kunsmatige intelligensie is op die agenda.

Van die interessante gesprekke op die eerste dag van die beraad sluit in:

  • Proteksionisme: Die Nobel-ekonoom Joseph Stiglitz het gewaarsku dat die instelling van invoertariewe in Amerika op alles van sonpanele tot wasmasjiene die Amerikaanse ekonomie gaan knou en nie werk gaan skep nie. “Jy kan nie die wêreld bou wat ons in 1950, 1960 gehad het nie – dit gaan nie terugkeer nie.” Verskeie ander mense het ook gemaan teen Trump se beleid om Amerika eerste te plaas.
  • China t. VSA: Terwyl pres. Donald Trump fokus op Amerikaanse belange, is China op die beraad verwelkom as ’n voorstander van globalisering.
  • Europa se heropbloei:Europa se sterk ekonomiese groei is besing, selfs te midde van die uitdagings wat Brexit gaan bring. Die Europese Unie kan hom hervestig as ’n toonaangewende streek wat glo in oop handel, het Manuel Caldeira Cabral, Portugal se minister van ekonomie, gesê.
  • Kommer oor aandelebeurse:Bankbase beskou dit as ’n groot moontlikheid dat daar ’n regstelling op aandelebeurse kan kom, gegewe 2017 se rekordhoogtepunte en baie wisselvalligheid. Die Harvard-ekonoom Ken Rogoff reken as rentekoerse skerp styg in reaksie op versnellende inflasiekoerse in die ontwikkelde wêreld is ’n beermark dalk die wêreld se voorland.
  • Klimaatsverandering:Narendra Modi, Indiese premier, sê dis kommerwekkend dat lande nie hul beloftes nakom om koolstofvrystellings te beperk nie. Modi was die eerste Indiese premier in 20 jaar wat Davos bywoon.

– Bloomberg, verwerk

Meer oor:  Donald Trump  |  Davos  |  Wef  |  Wêreldekonomie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.