Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Goeie nuus oor die prys van eiers, vleis

Daar is ’n sprankie hoop dat eierpryse die boonste draaipunt bereik het.

Melk en eiers het saam in April 2,6% minder gekos as in Maart. Foto: Unsplash

Volgens die produsentepryssyfers wat Statistieke Suid-Afrika (SSA) Donderdag uitgereik het, het melk en eiers saam in April 2,6% minder gekos as in Maart. Dis die eerste beduidende maand-tot-maanddaling sedert eierpryse skerp begin styg het te midde van die tekorte wat deur voëlgriep veroorsaak is.

Die kategorie het so onlangs soos November van maand tot maand 4,8% duurder geword. Dit is ’n enorme maandstyging.

Melk en eiers, wat SSA as een kategorie aandui, is steeds 5,9% duurder as ’n jaar gelede op produsentevlak, maar dis ook die laagste styging sedert Januarie, toe die jaarstyging 12,3% was.

Die produsenteprysinflasiekoers (PPI) meet die styging in pryse soos dit die plaas, myn of fabriek verlaat, oftewel die styging van pryse op produksie- of groothandelvlak.

Die PPI loop tradisioneel die verbruikersprysinflasiekoers (VPI) effens vooruit, hoewel dit nie ’n ewe lang tydperk vir alle produkte is nie.

Benewens die goeie nuus oor melk en eiers is daar ook goeie nuus oor vleispryse – goeie nuus vir verbruikers, nie soseer vir boere nie.

Op produksievlak het lewende hawe die eerste keer vir minder verkoop (-2,6%) as ’n jaar gelede. Dít is vergeleke met die boonste draaipunt, ’n enorme jaarstyging van 31,6% wat boere in November 2017 méér vir hul lewende hawe gekry het as in November 2017.

Die prys van vleis in winkels in Mei of Junie sal gemiddeld nie so skerp styg nie of dalk selfs daal. Foto: Unsplash

Dit beteken bes moontlik dat die prys van vleis in winkels in Mei of Junie gemiddeld nie so skerp sal styg nie of dalk selfs gaan daal.

Die res van die PPI-nuus is egter nie noodwendig goeie nuus vir verbruikers nie, met krag- en waterpryse wat op produksievlak aansienlik hoër is.

Volgens SSA is die oorhoofse PPI, dus vir finaal vervaardigde produkte, 4,4% (Maart: 3,7%). Dis die koers waarteen produkte op produsentevlak in April duurder was as ’n jaar gelede. Van Maart tot April 2018 het finaal vervaardigde produkte 1% duurder geword.

Ander PPI’s lyk soos volg:
  • Intermediêr vervaardigde produkte: +0,1% op ’n jaargrondslag (Maart: -1,3%); +0,6% op ’n maandgrondslag;
  • Krag en water: +4,9% op ’n jaargrondslag (Maart: +3,5%); +2,1% op ’n maandgrondslag;
  • Mynbou: -2,6% op ’n jaargrondslag (Maart: -3,1%); +1,1% op ’n maandgrondslag; en
  • Landbou, bosbou en visserye: +0,4% op ’n jaargrondslag (Maart: +3,9%); -2,4% op ’n maandgrondslag. Dit is in dié kategorie wat melk en eiers val.


Meer oor:  Kospryse  |  Inflasie  |  Ppi  |  Vpi  |  Vleispryse  |  Inflasiekoers  |  Statistieke Suid-Afrika  |  Eierpryse
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.