Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Indeks wys twyfel heers nog oor SA se beleid
k

Die voortdurende invloed van die koronaviruspandemie op Suid-Afrika se ekonomie veroorsaakerge beleidsonsekerheid.

Die kwartaallikse beleidsonsekerheidsindeks van die Noordwes-Universiteit (NWU) se sakeskool was op 57,4 punte in die tweede kwartaal van 2020.

Dit is net effens laer as die hoogtepunt van 59,8 in die eerste kwartaal.

Hoe hoër die indeks bo 50 styg, hoe groter is die onsekerheid. Die indeks is die netto resultaat van positiewe en negatiewe faktore wat persepsies oor beleidsonsekerheid oor ’n gegewe tydperk beïnvloed.

Die indeks word saamgestel uit mediaverwysings na ekonomiese onsekerheid, ’n peiling onder ekonome en uit ’n peiling onder vervaardigers wat die Universiteit Stellenbosch se Buro vir Ekonomiese Ondersoek doen.

Dit is die vyfde jaar dat die NWU se sakeskool die beleidsonsekerheidsindeks saamstel.

Prof. Raymond Parsons van die Noordwes-Universiteit se sakeskool. Foto: Elvira Wood

Prof. Raymond Parsons, onder wie se leiding dit gedoen word, sê in ’n verklaring in die lig van die langdurige staat van inperking in Suid-Afrika is die hoë vlakke van beleidsonsekerheid nie ’n verrassing nie. Daarby was Suid-Afrika reeds in ’n resessie toe die pandemie hier uitbreek.

Parsons sê dit is goeie nuus dat Tito Mboweni, minister van finansies, in sy aanvullende begrotingsrede erken het presies hoe benard Suid-Afrika se ekonomie situasie is. Die vraag is net of die regering die nodige stappe gaan doen om veral staatskuld onder beheer te kry.

Hy sê veral kredietgraderingsagentskappe is skepties oor die vooruitsigte, veral oor die voorspelde primêre oorskot op die begroting teen 2023.

LEES OOK: Moody’s het nie hoop vir ‘seekoei se bek’

Ander kwessies wat onsekerheid oor beleid kan aanwakker, sluit in die toekomstige trajek van koronavirusinfeksies in die land en die “tasbare toewyding van die regering aan strukturele hervormings met die oog op groei”, sê Parsons.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.