Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Moody’s sê dit is te vroeg om oor SA te besluit

Die internasionale kredietgraderingsagentskap Moody’s sê sy onlangse besluit oor Suid-Afrika se kredietgradering is nog “vars” en dit is nog “te vroeg” om te oordeel of rommelstatus nodig is vir die land.

Lucie Villa, Moody's
Lucie Villa, hoofontleder van Moody's op Suid-Afrika. Foto: Elvira Wood

“Ons negatiewe vooruitsig is betreklik vars,” het Lucie Villa, hoofontleder van Moody’s Suid-Afrika, in ’n onderhoud Dinsdag by ’n konferensie in Londen gesê.

Volgens Villa soek Moody’s tekens van ’n “geloofwaardige mediumtermynvisie” vir Suid-Afrika voordat daar besluit gaan word of die land na rommelstatus afgradeer moet word.

Sy sê ook dit is nog “effens te vroeg” om die regering se beleid en strukturele hervorming te oordeel nadat die vooruitsig op die kredietgradering sowat drie maande gelede na negatief verander is.

Volgens haar dui inligting oor ekonomiese groei “nie ’n positiewe of ’n beduidende negatiewe rigting aan nie”.

“Daar is niks werklik wat op die oomblik ’n sein stuur nie.”

Moody’s gaan wel na die besonderhede van die nasionale begroting van 26 Februarie kyk om te sien of die regering besteding in toom hou en inkomste aanvul.

“Die groot vraag vir my is aan die belastinginkomste-kant, want dit is nou al meer as ’n jaar wat hulle probeer om belastingnakoming te verbeter,” sê sy. “Ek glo daar is potensiaal daar.”

Oor Eskom sê sy die gradering van dié staatsonderneming toon sy finansiële posisie gaan agteruit en dat die regering weer hulp sal moet gee.

“Ons glo dat die regering die kapitaal sal moet verskaf en die belastingbetaler sal die een wees wat daarvoor betaal.”

Sommige ontleders verwag Moody’s gaan op 27 Maart die land se kredietgradering tot rommelstatus verlaag wanneer die graderingsagentskap sy volgende ontleding doen.

Villa sê egter dié datum is tentatief en Moody’s hoef nie daarby te hou nie.

“Die vooruitsig is negatief, so wat ons probeer toon is nie noodwendig ’n onmiddellike afgradering nie.” – Bloomberg

Meer oor:  Moody's  |  Kredietgradering  |  Staatseffekte  |  Staatskuld  |  Rommelstatus
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.