Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Sakesektor se besteding tuimel verder
Die Tuinroetedam naby George. Kapitaalbesteding aan elektrisiteits-, gas- en watervoorsiening in Suid-Afrika het in vergelyking met die eerste kwartaal met 35% in die tweede kwartaal afgeneem. Foto: Eugene Gunning

Die sakesektor se kapitaalbesteding aan eiendom, aanlegte en toerusting - dié dinge wat die ekonomie kan aanhelp - het in vergelyking met die eerste kwartaal vanjaar in die tweede kwartaal skerp afgeneem.

Statistieke Suid-Afrika (SSA) se jongste kwartaallikse finansiële statistieke oor agt van die ekonomie se grootste bedrywe wys die agt bedrywe het 15,9% minder aan kapitaaluitgawes bestee. Dit behels besteding aan eiendom, aanlegte en toerusting wat in die tweede kwartaal op R78,3 miljard – in vergelyking met R93,147 miljard in die eerste kwartaal – te staan gekom het.

Die skerpste daling in kapitaaluitgawes was in elektrisiteits-, gas- en watervoorsiening, wat met 35,2% afgeneem het, gevolg deur handel (-28,6%) en gemeenskaps-, welsyns- en persoonlike dienste (-15%).

Die omset in die agt bedrywe het van die eerste kwartaal tot die tweede kwartaal met 2,5% tot R2 304 miljard gegroei.

Die syfers wys elektrisiteit-, gas- en watervoorsiening het die skerpste toename in omset getoon teen 9,1%, gevolg deur konstruksie (7,2%), vervaardiging (3,4%), eiendom en ander sakedienste (2,7%), vervoer, berging en kommunikasie (2,5%), mynbou en steengroewe (1,6%), handel (1,1%), en gemeenskaps-, welsyn- en persoonlike dienste (0,3%).

Vergeleke met ’n jaar gelede was die grootste styging in omset by die handelsektor (15,9%), gevolg deur gemeenskaps-, welsyns- en persoonlike dienste (13,8%), vervoer, berging en kommunikasie (11,9%) en eiendom en ander sakedienste (8,3%).

Op ’n jaargrondslag het konstruksie met 4,6% en mynbou en steengroewe met 1,6% gedaal.

Die bedrywe wat gemeet word, sluit landbou, staatsinstellings, versekering en finansiële tussengangers uit. 

Meer oor:  Ekonomie  |  Ekonomiese Groei  |  Statistieke Suid-Afrika  |  Ssa
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.