Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
S&P besluit Vrydag oor SA gradering

’n Resessie, onsekerheid oor grondonteiening sonder vergoeding, staatskuld wat krisisafmetings aanneem, ’n staatsbeheerde nutsmaatskappy wat nie die ligte kan aanhou nie en ’n staatsbeheerde lugdiens wat kwalik salarisse kan betaal.

Standard & Poor’s se kantoor in New York. Foto: Bloomberg

Onder dié benarde omstandighede besluit Standard & Poor’s Global Ratings (S&P), en bes moontlik ook Fitch Ratings, Vrydagaand oor die land se vermoë om sy skuld te betaal.

Albei gradeerders het staatskuld reeds vroeg in 2017 tot rommelstatus afgegradeer, en S&P het staatskuld in dollar en euro tot twee vlakke onder beleggingsgraad afgegradeer.

S&P se besluit word ná die sluiting van die New Yorkse aandelebeurs, dus ná middernag Suid-Afrikaanse tyd, verwag.

Moody’s Investors Service het op 12 Oktober besluit om geen graderingsbesluit te neem nie. Dié gradeerder is die enigste van die drie grotes wat die land nog op beleggingsgraad ag.

Al drie die gradeerders beskou die vooruitsig vir Suid-Afrika se graderings as stabiel. Dit is dus waarskynliker dat die vooruitsig eers in negatief verander word, tensy S&P of Fitch reken dinge het baie drasties verswak sedert hul Junie-besluit.

Peter Attard Montalto, ontleder van kapitaalmarkte vir die navorsingsfirma Intellidex, het in Oktober die volgende risiko’s vir Suid-Afrika se graderings uitgelig:

  • Hulppakkette wat Eskom of ander staatsondernemings kan vereis;
  • Trae ekonomiese groei; en
  • Die risiko dat die regering sy bestedingsplafon onder politieke druk gaan verhoog.

Fitch het net ná Oktober se mediumtermynbegrotingsraamwerk (MTBR) gesê die twee grootste risiko’s vir die staat se geldsake is:

  • Die moontlikheid dat staatsondernemings baie groter as die verwagte kontantinspuitings gaan benodig, wat nie gekry sal kan word deur besnoeiing of bateverkope nie; en
  • Die moontlikheid dat die ekonomie selfs traer gaan groei as wat voorspel word.

Moody’s het die MTBR as “kredietnegatief” beskryf.

Daar is wel ’n skraal kans dat die gradeerders sal wag tot ná Februarie se begrotingsrede en selfs tot ná volgende jaar se algemene verkiesing, wat na verwagting in Mei of Junie gehou gaan word, voordat hulle die land afgradeer.

Die kredietgradering van staatskuld by die drie groot kredietgradeerders.
Meer oor:  Fitch  |  Moody's  |  S&P  |  Resessie  |  Kredietgradering  |  Rommelstatus  |  Kredietgradeerders  |  Ekonomie  |  Ekonomiese Groei
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.