Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Staan vas, moeilike tye lê voor, waarsku Dawie Roodt

Dit gaan nog aansienlik moeiliker raak voordat daar selfs net “’n kans op ’n liggie aan die einde van die tonnel is”, sê Dawie Roodt, hoofekonoom van die Efficient Group.

ekonomie
Moeilike tye lê voor vir beide die staatskas én verbruikers, meen Dawie Roodt, hoofekonoom by die Efficient Group. Foto: Getty Images

In ’n verklaring wat Debt Rescue Vrydag uitgereik het, sê Roodt dat feitlik al die ekonomiese aanwysers wat hulle volg, dui op bitter moeilike tye wat voorlê.

“Met Eskom se skuld wat nou naby R500 miljard staan en die nutsmaatskappy wat sukkel om genoeg krag te verkoop om sy koste te dek, gaan dit uiteindelik van die verbruikers afhang om op te dok sodat die land se ekonomie nie in duie stort nie,” sê hy.

Met nog talle laste op pad en die staatskoffers wat leeg is, is die verbruikers wat nou sake moet red ook reeds platsak.

Neil Roets, uitvoerende hoof van die skuldberadingsfirma Debt Rescue, sê hy sien elke dag nuwe rekordgetal mense wat kom aanklop om onder skuldbestuur geplaas te word.

Volgens hom sal die petrolprys waarskynlik voor Oktober/November R20 per liter bereik, waarna dit weer ietwat kan stabiliseer.

Roodt sê die heffing van nuwe belastings gaan ook die brandstofprys beduidend beïnvloed. Hy sê 53% van die prys van brandstof bestaan reeds uit belasting, en dat die heffing van, onder meer, die nuwe koolstoftaks in Junie ’n bykomende 9c en 12c per liter tot die prys van onderskeidelik petrol en diesel gaan bydra.

“Behalwe dat dié prysstygings die lewe vir alle motoriste regstreeks gaan bemoeilik, gaan dit ook ’n wye invloed op alle verbruikers hê aangesien die meeste goedere plaaslik met vragmotors vervoer word,” sê Roets.

“In die meeste gevalle is mense se begrotings reeds tot so ver gerek as wat dit kan, en dit is moeilik om te sien waar die geld vandaan gaan kom om die volgende ronde algemene prysstygings weens die hoër brandstofpryse te hanteer.

Dit is waarskynlik dat daar ’n bitter moeilike tyd op ons wag.
Neil Roets

“Die meeste verbruikers het reeds ’n geruime tyd gelede luukse goedere en dienste uit hul begrotings gesny, en sal nou moet begin sny aan hul basiese behoeftes net om aan die lewe te bly,” sê Roets.

Debt Rescue wys daarop dat bruto verbruikerskuld op sowat R1 730 miljard staan en dat staatskuld reeds in 2016-’17 op R2 200 miljard gestaan het.

Bykans die helfte van alle verbruikers is tans drie maande of meer agterstallig met die paaiemente op hul skuld.

“Dit is waarskynlik dat daar ’n bitter moeilike tyd op ons wag,” waarsku Roets.

Meer oor:  Efficient Group  |  Debt Rescue  |  Eskom  |  Neil Roets  |  Dawie Roodt  |  Staatsondernemings  |  Skuld  |  Staatskuld  |  Petrolprys  |  Belasting
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.