Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Tito moet aftree, meen Cosatu

Cosatu wil hê Tito Mboweni, minister van finansies, moet sy eie advies volg en aftree.

Michale Shingange, adjunkpresident van die vakverbond, het in ’n onderhoud in Johannesburg gesê Cosatu het dit in Oktober toe Mboweni in die plek van Nhlanhla Nene as minister van finansies, aangestel is dit duidelik gemaak dat dit net ’n tydelike stap behoort te wees.

Tito Mboweni
Tito Mboweni, minister van finansies. Foto: Deaan Vivier

“Hierdie is ’n man wat sê mense wat 55 jaar oud is moet aftree want hulle is te oud,” sê Shingange.

“Dit sal vir ons ’n groot skok wees as Tito Mboweni homself ná die verkiesing in Mei steeds beskikbaar stel as minister van finansies.”

Volgens Shingange is dit iets wat Cosatu sal teenstaan.

Cosatu se probleem met Mboweni (60) is nie noodwendig sy ouderdom nie want hulle het pres. Cyril Ramaphosa wat 66 is gehelp om in sy posisie te kom. Cosatu is wel gekant teen Mboweni se standpunt oor staatsondernemings omdat hy sê hulle het te veel personeel en behoort verkoop te word - wat ideologies in stryd is met Cosatu se sosialistiese beleid.

Mboweni het met sy begrotingsrede in Februarie voorgestel dat die regering vroeë-aftreepakkette bied aan staatsdienswerkers van 55 en ouer om die staat se salarisrekening te help sny. Hy het in ’n onlangse onderhoud met Power FM gesê dis tyd vir ou mense om af te tree en die jong mense kans te gee om die land te bestuur.

Mboweni, voorheen president van die Suid-Afrikaanse Reserwebank en ’n vorige minister van arbeid, het lof van vakbonde gekry toe hy in die middel 1990’s nuwe arbeidswetgewing ingestel het, maar hy is dikwels deur Cosatu gekritiseer in sy tyd by die Reserwebank want Cosatu het gemeen sy monetêre beleid was te stram.

Nog ’n minister waaroor Cosatu omgekrap is, is Pravin Gordhan, minister van openbare ondernemings, wat toesig hou oor Eskom en dit in drie afsonderlike eenhede wil verdeel. Cosatu meen dit sal tot privatisering en werkverliese lei.

Gordhan (70) is aangestel om vertroue en geloofwaardigheid by Eskom te help herstel. Maar die gedurige kragonderbrekings en krisisbestuur by Eskom wys hy misluk daarmee, sê Shingange.

“Ons moet die irritasies van Tito Mboweni en Pravin Gordhan opweeg teen die vordering wat ons gemaak het en die toegang wat ons tot die regerende party het wat invloed op beleidsrigting betref,” sê hy. – Bloomberg

Meer oor:  Cosatu  |  Tito Mboweni  |  Staatsamptenare
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.