Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Ekonomie
Tito se medisyne laat rand, JSE se koors daal

Die aandeelpryse van talle maatskappye wat van die welstand van die verbruiker afhanklik is, het Woensdagmiddag sterk geklim ná die belastingverligting wat Tito Mboweni, minister van finansies, in sy begrotingsrede aangekondig het.

Die rand het ook versterk van sy swakste vlak die oggend namate sy toespraak gevorder het. Die rand het in ’n stadium R15,34 bereik, 13c swakker as die vorige dag se sluitingsprys.

Die geldeenheid het begin versterk tot R15,09 terwyl Mboweni reeds langer as ’n uur aan die woord was.

A vendor counts out rand banknotes while working i
Die rand het Woensdag versterk van sy swakste vlak die oggend namate Tito Mboweni se toespraak gevorder het. Foto: Getty Images

Dit kom nadat die rand en aandele vroegoggend nog weens vrese oor die verspreiding van die koronavirus wêreldwyd redelik gedaal het.

Shoprite se aandeelprys het van R104,57 die oggend tot R110,57 ná Mboweni se toespraak omgekeer. Dit is 6,8% hoër vir die dag.

Bidvest het van R183 tot R192,87 versterk – 6% hoër as sy sluitingsprys die vorige dag.

Discovery het tot R105,50 gestyg van R97 af voor die begroting. Ook sy aandeelprys is 6% hoër as die vorige dag. Standard Bank en Absa is 5% hoër. RMB Beherend, Nedbank, Mr Price en The Foschini Group is almal meer as 4% hoër. Dit was nadat 50 maatskappye, waaronder Shoprite, Discovery, Old Mutual, Sanlam, Standard Bank, Nedbank, Woolworths, Tiger Brands, Adcock, Spar en Absa, Dinsdag op die JSE op hernude jaarlaagtepunte gesluit het.

Spar, Clicks en Redefine Properties was Woensdagmiddag meer as 3% op, terwyl Old Mutual, Woolworths, Sanlam, Aspen, Vodacom en Growthpoint met 2% gestyg het.

Die indeks van alle aandele was teen 16:00 steeds laer vir die dag, maar baie minder as vroegoggend toe dit nog sterk gedaal het. Die indeks was teen die middag 0,1% of 62 punte laer op 54 747.

Die top-40-indeks was 0,1% of 95 punte laer op 49 211.

Meer oor:  Aandeelprys  |  Ekonomie  |  Rand  |  Jse  |  Begrotingsrede  |  Begroting  |  Begroting2020  |  Aandele  |  Wisselkoers
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.