Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Duurder olie kan SA motoriste se sak ruk
total
Total se eksplorasie-platform aan die Suid-Kaapse kus. Foto: Total

Slegte nuus vir Suid-Afrikaanse motoriste is dat oliepryse 2020 styg-styg begin het nadat dit in 2019 die meeste in drie jaar gestyg het.

Spanning in die Midde-Ooste en tekens dat Amerikaanse olievoorrade aan die daal is, het pryse Donderdagoggend met tot 0,9% opgedruk.

Die 50-dae- bewegende gemiddelde prys van West Texas Intermediate het tot bo die 200-dae- bewegende gemiddelde gestyg, ’n tegniese aanwyser wat op ’n verdere styging dui.

Olie het in 2019 met 23% gestyg – die skerpste styging sedert 2016 – ondersteun deur die Organisasie van Petroleumuitvoerlande (Opul) en sy bondgenote se ooreenkoms om produksie selfs verder te verlaag.

Die deurbraak in onderhandelinge oor invoertariewe tussen Amerika en China word ook as goeie nuus vir die olieprys beskou omdat dit die wêreldekonomie kan ondersteun – en dus die vraag na brandstof kan verhoog.

Pres. Donald Trump het onlangs aangedui hy gaan op 15 Januarie die eerste fase van ’n handelsooreenkoms onderteken en gaan later in 2020 Beijing toe vir onderhandelinge oor die tweede fase.

Intussen is spanning in Irak aan die styg. Iranse rebellegroepe het Donderdag vir die tweede dag in Bagdad, Irak, toegesak op die Amerikaanse ambassade om te betoog teen die dood van 25 mense in Amerikaanse lugaanvalle.

Die styging in oliepryse kan in Februarie veral ’n groot impak op Suid-Afrikaanse dieselpryse hê, volgens vroeë syfers van die Sentrale Energiefonds.

Die sterker rand van die afgelope paar dae buffer in dié stadium die petrolprys, maar is nie genoeg om die skerp styging in internasionale dieselpryse teen te werk nie.

Daar is tans ’n oorverhaling (dus ’n daling indien pryse vir Februarie vandag vasgestel sou word) van nagenoeg 21c per liter op die prys van 95-oktaan-petrol en van 8c per liter vir 93-oktaan. Die onderverhaling (dus styging) op diesel van alle grade beloop tans 20c per liter.

Dis egter nog net die eerste week van die oorsigtyd wat vir Februarie se brandstofpryse gebruik word. Die oorsigtyd is dié maand vyf weke en duur tot 31 Januarie. Heelwat kan dus nog verander aan die oor- en onderverhalings.

Die rand het op 31 Desember vir die eerste keer in maande tot onder R14 per dollar gedaal, maar kon nie daarin slaag om op dié vlak te sluit nie – dit het op R14 gesluit.

Donderdag om 11:00 het die rand R13,96 per dollar gekos.

Meer oor:  Olieprys  |  Olie  |  Petrolprys  |  Brandstof  |  Energie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.