Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Eskom onder groot druk; beurtkrag dreig dié week

Suid-Afrika se kragnetwerk sal vandeesweek onder kwaai druk wees, het Eskom Sondagaand gewaarsku.

Eskom
Die Tutuka-kragstasie in Mpumalanga. Foto: Eskom

Tot agt opwekkingseenhede by sewe verskillende steenkoolkragstasies is buite werking, het hy gewaarsku.

Hoewel Eskom-spanne hard werk om soveel moontlik stukkende eenhede te herstel, kan enige verdere agteruitgang in sy opwekkingsvermoë hom dwing om beurtkrag toe te pas.

Dit is weens foute of vertragings in die instandhoudingsprogram. Hoewel van die opwekkingseenhede Sondagaand en Maandagoggend herstel sal word, sal die kragnetwerk na verwagting vir die res van die week steeds onder druk wees.

Daar was vertragings met die herstel van opwekkingseenhede by die Duvha- en Medupi-kragstasies, en daarbenewens is twee eenhede by Hendrina afgeskakel, asook ’n eenheid elk by Tutuka, Majuba, Komati en Kendal.

Eskom verduidelik sy verouderende steenkoolkragstasies is onbetroubaar en wisselvallig.

Dr. Jarrad Wright van die Wetenskaplike en Nywerheidsnavorsingsraad (WNNR) het vroeër gewaarsku Suid-Afrikaners kan hulle regmaak vir toenemende beurtkrag tot en met 2023.

Eskom probeer intussen sy verdeling in drie afsonderlike staatsentiteite – vir kragopwekking, distribusie en plaaslike verspreiding – te versnel, terwyl hy ook saam met die nasionale tesourie soek na ’n oplossing vir sy reuse-skuld van meer as R450 miljard. Daarby knel oplopende skuld van munisipaliteite en Soweto hom ook terwyl hy in die howe boer om te appelleer teen tariefbesluite van die nasionale energiereguleerder.

Die Covid-19-inperking het ook Eskom se kragverkope geknou weens die skerp laer vraag na elektrisiteit tydens veral die eerste twee vlakke van inperking.

Beleggers in private kragopwekkers wag intussen op die regering om ’n verkrygingsprogram vir noodkragopwekking van tussen 2 000 MW en 3 000 MW te versnel wat pres. Cyril Ramaphosa in Januarie in sy staatsrede beloof het.

Meer oor:  Steenkoolkragstasies  |  Beurtkrag  |  Eskom
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.