Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Eskom stoei steeds om ligte aan te hou
Kraglyne en koeltorings van Eskom se Lethabo-steenkoolkragstasie naby Sasolburg. Foto: Reuters

Hoewel beurtkrag meer as twee weke laas nodig was, voer Eskom steeds ’n opdraande stryd om die land se ligte aangeskakel te hou.

Sy gebrek aan opwekkingsvermoë was Woensdagoggend steeds kommerwekkend hoog op 12 620 MW.

Dit is heelwat meer as die 9 500 MW-kerf waarop Eskom daagliks hoop om sy gebrek aan opwekkingsvermoë te verminder.

In sy gebruiklike verklaring oor die stand van die kragnetwerk sê Eskom sy dieselkragopwekkers is steeds al wat tussen Suid-Afrikaners en beurtkrag staan.

Die kragreus spook egter om sy “verouderde opwekkingseenhede” spoedig genoeg te herstel. Hy het vroeër vandeesweek ook laat val dat hy nie onbeperk op sy dieselkragopwekkers kan steun nie, kwansuis omrede dit ongelooflik duur is om te gebruik.

Dit kos Eskom sowat R700 000 in diesel per uur om sy twee dieselkragopwekkers – een by Atlantis en die ander naby Mosselbaai – te gebruik.

Nietemin bly die vooruitsig vir beurtkrag vandag laag.

Suid-Afrikaners word ook opnuut gevra om elektrisiteit spaarsamig te gebruik en veral lugverkoelingstelsels tot ’n gemiddelde temperatuur van 23 grade te stel.

Meer oor:  Eskom  |  Kragvoorsiening  |  Beurtkrag  |  Elektrisiteit
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.