Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Eskom vat werkers vas wat nie belange verklaar

Net meer as 3 800 werknemers en vaste kontrakteurs by Eskom het in die vorige boekjaar nie hul sakebelange verklaar soos Eskom se beleid oor belangebotsings vereis nie.

An electricity pylon stands beyond an Eskom sign a
Eskom het verlede jaar meer as 1 000 tugverhore gehou net oor sakebelange wat nie verklaar is nie. Foto: Getty Images

Dit maak meer as sowat 5% van al Eskom se permanente werknemers en sy vastetermynkontrakteurs uit.

Dit blyk uit ’n antwoord van Pravin Gordhan, minister van openbare ondernemings, op ’n skriftelike parlementêre vraag van die EFF-parlementslid Andrew Arnolds.

’n Oudit van syfers vir die 2019-’20-boekjaar het ontbloot dat drie Eskom-werknemers aktiewe sakebelange met Eskom-verskaffers gehad het, het Gordhan in sy antwoord bekend gemaak.

Al die gevalle waar werknemers nie belange verklaar het nie, is vir bestuursoptrede verwys, en teen einde September is 1 011 tugverhore al afgehandel, vyf werknemers het bedank, en 82 tugverhore is geskeduleer.

Daar is 808 geskrewe waarskuwings uitgereik en een werknemer is sonder betaling geskors, terwyl 35 werknemers “onskuldig” bevind is, toon Gordhan se antwoord. Die geval van die drie Eskom-werknemers wat aktief met Eskom-verskaffers sake gedoen het, is vir verdere forensiese ondersoek verwys.

Meer oor:  Eskom  |  Bedrog  |  Krag  |  Korrupsie  |  Elektrisiteit
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.