Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Petrolprys daal dalk in Junie - maar nie baie nie
Fuel consumption showing empty petrol tank. (Photo
Die prys van petrol styg wéér in Junie. Foto: Getty Images

Die petrolprys gaan dalk nie in Junie skerp styg nie – en kan selfs daal. Maar dit sal styf duim vashou oor die volgende paar weke verg.

Die jongste syfers van die Sentrale Energiefonds (SEF) Woensdagoggend dui op ’n oorverhaling (dus ’n moontlike daling) van byna 5c op ’n liter 95-oktaan-petrol, en ’n oorverhaling van byna 7c op 93-oktaan.

Daarteenoor is daar ’n onderverhaling van net minder as 12c per liter op die dieselprys.

By dié syfers moet egter ’n styging van 9c per liter egter getel word omdat die koolstofbelasting in werking tree, soos in Februarie aangekondig is.

Meer as twee weke bly oor voordat die brandstofpryse vir Junie vasgepen word, wat beteken daar is nog ruimte vir verandering.

Twee faktore beïnvloed plaaslike brandstofpryse: die rand-dollar-wisselkoers en internasionale brandstofpryse.

Laasgenoemde word deur oliepryse beïnvloed. Brent-ruolie, waarvan Suid-Afrikaanse petrol gemaak word, het sedert Desember van $50 per vat tot $71,80 Maandag gestyg, maar die styging is wel aan die verlangsaam.

Lees ook: Olieprys: Dié 3 faktore trek nou tou

Aan die kus kos 95-oktaan-petrol tans R16,03 en R16,48 in Gauteng. In Oktober 2018 het die prys sy hoogste vlakke nóg behaal en in Gauteng was dit R17,08.

Paraffien, wat baie gebruik word vir verhitting in Suid-Afrika wanneer die koue wintermaande tref, sal ook met sowat 9c duurder word, volgens die jongste skattings.

Die pryse vir Junie word op Vrydag 31 Mei vasgepen en geld vanaf Woensdag 5 Junie.

Meer oor:  Olieprys  |  Sentrale Energiefonds  |  Brandstofpryse  |  Energie  |  Opul
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.