Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Petrolprys val met R1,84

Die petrolprys wat Woensdag 5 Desember met R1,84 per liter verlaag word bring verligting vir die vakansiebegrotings van motoriste wat eersdaags die langpad wil vat.

petrolprys
Brandstofpryse daal Woensdag skerp. Foto: Jonathan Lestrade

Die departement van energie het laat Saterdagaand aangekondig petrol word op die eerste Woensdag van Desember R1,84 per liter goedkoper danksy laer internasionale produkpryse en ’n sterker randdollarwisselkoers.

Diesel se groothandelpryse word met R1,45 verlaag vir diesel met ’n swaelinhoud van 0,05% en met R1,47 vir diesel met ’n swaelinhoud van 0,005%.

Paraffien se maksimum kleinhandelprys word met R1,78 per liter verlaag en die van vloeibare petroleumgas (VPG) met R2,43 per kg.

Volgens die werklike oorverhalingsyfers sou petrol met R1,92 per liter goedkoper kon word en diesel met R1,50. Maar die departement het die jaarlikse aanpassings in gereguleerde winsmarges vir die vulstasiebedryf en groothandelaars in hierdie prysaanpassings ingewerk. Die kleinhandelwinsmarge op petrol is met 5,9c tot R1,98 per liter verhoog. Die groothandelwinsmarge op petrol is met 0,8c tot 34,8c per liter verhoog, en die groothandelwinsmarge op diesel met 3,59c per liter tot 71,25c per liter.

’n Netto aanpassing van 1c per liter is ook gemaak aan die kostestruktuur vir brandstofverspreiding en opgaartenks.

Die stewiger randdollarwisselkoers oor die vorige maand het gesorg vir 18c tot 21c van die daling.

Petrol aan die kus sal voortaan R14,65 per liter kos, en 95-oktaan petrol in Gauteng sal R15,24 kos. Petrol van 93-oktaan in Gauteng sal R15,01 per liter kos.

Diesel se groothandelprys is voortaan R14,67 in Gauteng en R14,18 aan die kus.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.