Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Sasol kyk na sonkrag vir aanlegte
Sasol wil sonkrag-PV-fasiliteite by sy aanlegte in Secunda en Sasolburg laat bou. Foto: Unsplash

Sasol wil sonkragaanlegte by twee van sy fasiliteite laat bou.

Die petrochemiese reus sê Maandag in ’n verklaring hy nooi belangstellendes om voorstelle te stuur om aanlegte met ’n kapasiteit van 10 MW by sy aanlegte in Secunda in Mpumalanga en in Sasolburg in die Vrystaat te bou.

Hermann Wenhold, hoof van volhoubaarheid by Sasol, sê in die verklaring dié uitnodiging volg op sy versoek in Mei dat belangstellendes voorstelle maak oor hoe hy uiteindelik 600 MW se groen krag van onafhanklike kragprodusente kan koop.

Hy het toe reeds gesê dat hy na opsies naby sy fasiliteite in Sasolburg en Secunda kyk.

Die maatskappy sê hy hoop dat die gebruik van groen krag sal help dat hy met sy bedrywighede 1,6 miljoen ton kweekhuisgasse minder per jaar in die atmosfeer sal vrystel.

“Daar sal van die suksesvolle bieërs verwag word om die sonkrag-PV-fasiliteite en hul gepaardgaande verbindingsinfrastruktuur te ontwerp, finansier, bou, bedryf, onderhou en te besit om sodoende op eie koste 10 MW krag aan elk van Sasol se bedrywighede te lewer. Die suksesvolle bieër(s) sal as onafhanklike kragprodusent(e) ingevolge ’n langtermyn-kragkoopooreenkoms elektrisiteit vanaf die sonkrag-PV-fasiliteite aan Sasol lewer,” lui die verklaring.

Belangstellende partye kan Sasol by solarpvfarm@sasol.com kontak vir meer inligting. Voorstelle moet teen Vrydag 2 Oktober ingedien word.

Meer oor:  Sasol  |  Sonkrag
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.