Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Só daal petrolprys in Oktober
Die petrolprys daal in Oktober vir die sesde keer vanjaar. Foto: Pixabay

Die “mooiste, mooiste maand” bring ook goeie nuus vir diegene wat terugkeer kantoor toe.

Die departement van energie het Sondag aangekondig dat die prys van 95-oktaan-petrol met 32c per liter daal en dié van 93-oktaan-petrol met 23c per liter.

Veral boere sal bly wees dat daar ook ’n stewige daling is in die prys van diesel.

Die groothandelprys van diesel met ’n swaelinhoud van 0,05% daal met 90c per liter en dié van diesel met ’n swaelinhoud van 0,005% daal met 93c per liter.

Die kleinhandelprys van diesel word nie gereguleer nie.

Die prys van paraffien daal met 76c per liter.

Die daling is danksy die rand se sterker vertoning teenoor die dollar en die daling in die prys van Brent-ruolie.

In die oorsigtydperk het die rand gemiddeld teen R16,72 teenoor die dollar verhandel vergeleke met R17,28 die voorafgaande maand.

Die prys van Brent-ruolie het van gemiddeld $44,78 per vat in die vorige oorsigtydperk tot $40,82 per vat in die jongste oorsigtydperk gedaal.

Die nuwe pryse word op Woensdag 7 Oktober van krag.

95-oktaan sal R14,86 in Gauteng en R14,16 aan die kus kos.

  • Regstelling: In ’n vorige weergawe van die berig is die daling vir 95- en 93-oktaan-petrol omgeruil.
Meer oor:  Departement Van Energie  |  Brandstof  |  Diesel  |  Petrolprys  |  Petrol  |  Brandstofpryse
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.