Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Energie
Vakbond betoog by Eskom

Die National Union of Mineworkers (NUM) gaan Woensdagmiddag voor Eskom se hoofkantoor in Johannesburg betoog.

Die vakbond sê in ’n twiet hy is gekant teen die ontknoping van Eskom en enige voorstel om die staatsonderneming te privatiseer.

Die NUM het in Desember gesê as André de Ruyter, nuwe uitvoerende hoof van Eskom, die regering se beoogde herstrukturering van die kragreus gaan deurvoer, sal hy hom om elke hoek en draai teenstaan.

Die NUM beplan om tydens die betoging wat tussen 12:00 en 13:00 gehou gaan word, ’n memorandum van eise aan De Ruyter se kantoor te oorhandig.

“De Ruyter het ’n program van die regering gekry om in werking te stel. Die NUM sal ons eie program aan hom gee om Eskom te red,” het Paris Mashego, energiesektorkoördineerder van die NUM, voorheen aan Fin24 gesê.

Volgens Mashego is die vakbond bereid om met die nuwe uitvoerende hoof saam te werk om dinge by Eskom reg te ruk, as hy inval by hul pogings om die regering se planne vir die verdeling van Eskom in afsonderlike entiteite teen te staan.

“Dit is ’n opdrag. As hy dit volg, sal hy ons steun hê. Ons dink nie die feit dat hy vroeër by Eskom begin werk het, sal enigiets verander aan die uitdagings by Eskom nie. Dit sal eerder die program verhaas om Eskom te ontknoop.

“Ons wil ’n forensiese oudit hê oor Eskom se skuld van R450 miljard. Maar die regering luister nie na ons nie. Ons het met die president en die ministers gepraat. Hul enigste verbintenis is dat hulle nie werkers sal aflê nie,” het Mashego gesê.


Meer oor:  Num  |  Eskom  |  Andre De Ruyter
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.