Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Bill Gates gee $1,5 miljard weg
Bill Gates.

Bill Gates het in November $1,5 miljard se aandele in Microsoft aan die Gates Foundation Asset Trust geskenk, die entiteit wat sy stigting se skenkings bestuur.

Die wêreld se rykste mens het 31 miljoen aandele in Microsoft geskenk.

Die oordrag het Gates se belang in die maatskappy waarvan hy medestigter is, verminder na 3%. 

Volgens Bloomberg se miljardêrsindeks word Gates se rykdom op sowat $82,9 miljard geskat.

Gavi (die alliansie vir entstowwe), die wêreld se grootste finansier van entstowwe vir ontwikkelende lande, het op 27 Januarie gesê hy het $7,5 miljard in nuwe skenkings ontvang, insluitend $1,55 miljard van die Bill & Melinda Gates Foundation.

Die skenking aan Gavi hou nie verband met die skenking van die aandele nie, sê Wendy Walker, ’n woordvoerder van die Gates Foundation.

Gates behartig al sy filantropie deur die organisasie en dit werk onder meer aan die stryd teen polio, MIV/vigs, tuberkulose en malaria.

Die Bill & Melinda Gates Foundation het teen einde September bates van $42,3 miljard gehad en $31,6 miljard in skenkings al versprei, volgens sy webwerf.

- Bloomberg

Stemme

Hallo, jy moet ingeteken wees of registreer om artikels te lees.