Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Armand Aucamp wil jou help vry – in Afrikaans
Armand Aucamp is een van die stigters van Koer, ’n nuwe app vir Afrikaanssprekendes op soek na liefde.

Afrikaanssprekendes wat graag wil vry in hul taal, kan dit nou na hartelus regkry met Koer, ’n nuwe app wat spesiaal ontwikkel is om Afrikaanse mense in verbinding te bring.

Koer werk op dieselfde konsep as Tinder, maar is spesiaal ontwerp vir Afrikaanssprekendes wat eerder wil “koer” of “koes” vir moontlike pasmaats.

Armand Aucamp, bekend vir sy spel in onder meer die televisiereekse Die boekklub en Sterlopers en die rolprent Ballade vir ’n enkeling, is een van die stigters van die nuwe app en het ook met die idee vorendag gekom.

Hy vertel hy was by ’n braai toe hy “vir die soveelste keer na die klaagliedere van ’n enkellopende vriendin” moes luister wat kla sy soek net na ’n “doodgewone Afrikaanse pasmaat”.

En van daar het die idee van Koer ontwikkel tot waar dit vandag, ’n jaar later, ’n volwaardige app beskikbaar vir Android- en iOS-toestelle is.

“Ek het gejeuk om weer iets in Afrikaans te doen en stel baie belang in tegnologie,” vertel Aucamp.

Hy het self die aanvanklike koste gedek, maar vertel dat ’n barmhartige groep vriende byeen gekom het om hom te help om dit hoofsaaklik teen geen koste te ontwikkel.

Dit sluit in Koer se programmeerders en bemarkingspan wat tot dusver verniet werk.

Koer is boonop ook gratis om te gebruik, maar bykomende funksionaliteit (en geen advertensies) kan teen ’n maandelikse tarief bekom word.

Gratis gebruikers van Koer kry daagliks 15 “aksies”, vertel Aucamp. Dit sluit in om vir ’n potensiële pasmaat te “koer” of te “koes” of om ’n briefie van een van hierdie pasmaats te lees.

Ná 15 aksies word die app gesluit tot die volgende dag, of tot die maandelikse aansluitingsgeld betaal word.

Aucamp het self sy lewensmaat aanlyn ontmoet.

“Almal ken tog iemand wat ware liefde gevind het op die een of ander sosiale platform. Dan praat ek nie eens van Afrikaanse mense wat oorsee woon en werk nie.”

Die app is nie net gemik op persone wat nuwe liefde soek nie, maar ook vriendskap, en maak voorsiening vir alle seksuele voorkeure.

“Kommunikasie het heeltemal verander weens Covid-19, en daarom is Koer die ideale oplossing.

“Daarmee kan jy eers die kat lekker uit die boom kyk voordat jy besluit wat om volgende te doen.”

Koer is ontwikkel in samewerking met drie ander vennote, waarvan een in Frankryk woon.

Dit is reeds beskikbaar in die Google Play- en Apple-winkels.

Meer oor:  Armand Aucamp  |  Afrikaans  |  Liefde  |  Tegnologie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.