Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Australiese nuus nou weer welkom op Facebook

Dis nou in Australië wet dat tegnologie-ondernemings uitgewers moet betaal vir nuusinhoud wat op hul platform gedeel word.

Die nuwe wet, wat die Australiese parlement Donderdag goedgekeur het, “sal verseker dat nuusmedia-ondernemings billik vergoed word vir die inhoud wat hulle genereer,” sê, Josh Frydenberg, minister van finansies, in ’n verklaring.

Facebook en Australië het ’n ooreenkoms bereik, maar ander lande gaan ook dalk vereis dat nuusdienste vir hul inhoud vergeod word.Foto: Unsplash

Die ongekende nuwe wet was die afgelope paar maande baie omstrede.

Facebook en Google het die konsepweergawe van die wet teëgestaan wat mediamaatskappye gemagtig het om individueel of kollektief met hulle te onderhandel en bindende arbitrasie te voer as die partye nie tot ’n vergelyk kon kom nie.

Facebook het nuusblaaie in Australië verlede week geblokkeer toe dit lyk of die wet só deurgevoer gaan word.

Die finale wet bevat nou ’n bepaling dat in ag geneem moet neem “of ’n digitale platform ’n belangrike bydrae gelewer het tot die volhoubaarheid van die Australiese nuusbedryf deur handelsooreenkomste met nuusmedia-ondernemings te sluit.”

Arbitrasie oor vergoeding sal nou as ’n “laaste uitweg” gebruik word ná ’n tydperk van bemiddeling.

Facebook sê nadat die hersienings aangebring is, sal die nuwe ooreenkoms dit moontlik maak om “die uitgewers wat ons kies, te ondersteun”. Hy het later ’n ooreenkoms met die groot Australiese nuusmaatskappy Seven West Media bekend gemaak, asook planne om ander uitgewers ook te betrek.

Google het ook intussen vennootskappe met media-organisasies in Australië, waaronder Seven en Rupert Murdoch’s News Corp (NWS), aangekondig.

Die Australiese regering sê die wet sal oor ’n jaar deur die tesourie hersien word om te verseker dat die resultate ooreenstem met die regering se doelwitte.

Hoewel Facebook ’n oplossing gevind het vir sy probleme in Australië, bly hy gekant teen soortgelyke ingrypende maatreëls in ander lande.

“Die gebeure in Australië wys die gevaar uit van geld kamoefleer vir kontantsubsidies oor die internet,” skryf Nick Clegg, die maatskappy se visepresident van wêreldwye sake op Facebook.

Clegg, ’n voormalige adjunkpremier van Brittanje, het erken die stap om nuus in Australië te verbied, sou “vir baie mense skielik en dramaties gevoel het”.

“Dit was nie ’n besluit wat ligtelik geneem is nie.”

Dit het egter gekom ná drie jaar se onsuksesvolle gesprekke met die Australiese regering oor hoe onuitvoerbaar die wet was.

Die maatskappy het geen ander keuse gehad as om verlede week vinnig op te tree nie, het hy aangevoer, “omdat dit wetlik nodig was om dit te doen voordat die nuwe wet in werking getree het.”

Facebook het belowe om $1 miljard te belê om joernalistiek in Australië te ondersteun.

Die kragmeting tussen regerings en tegnologiereuse gaan voortduur. Soortgelyke gevallestudies kan binnekort in ander lande na vore kom, met Amerika en die Europese Unie wat toenemende druk in die gesig staar om sulke maatreëls te oorweeg. Kanada is ook van plan om in die komende maande wetgewing hieroor op te stel. Bronne: Facebook, CNN

Meer oor:  Facebook  |  Australië  |  Tegnologie  |  Nuus  |  Media  |  Sosiale Media
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.