Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Beperkings op WhatsApp werp vrugte af
WhatsApp het beperkings ingestel op hoeveel keer ’n boodskap aangestuur kan word. Foto: Unsplash

Die beperkings wat WhatsApp vroeër vandeesmaand ingestel het op hoeveel keer gebruikers ’n boodskap kan aanstuur, blyk ’n positiewe impak op die bekamping van fopnuus te hê.

Die getal kere wat boodskappe op die platform aangestuur word, is 70% minder, het ’n woordvoerder aan Business Insider gesê.

WhatsApp het beperkings ingestel op die aantal mense aan wie ’n gebruiker ’n boodskap kan stuur wat hy of sy ontvang het.

Voorheen kon ’n gebruiker so ’n boodskap gelyktydig aan ’n klomp van sy kontakte aanstuur. Nou kan dit net aan een persoon op ’n slag gestuur word.

LEES OOK: WhatsApp plaas perk op aanstuur van boodskappe

Die kletsdiens, wat aan Facebook behoort, het die nuwe beperking ingestel in ’n poging om die verspreiding van fopnuus gedurende die Covid-19-pandemie hok te slaan.

Die nuwe reël geld net boodskappe wat volgens WhatsApp baie vinnig versprei.

’n Boodskap wat nog nie deur baie mense aangestuur is nie, kan steeds na meer as een gebruiker op ’n slag gestuur word.

Sosialemediaplatforms soos WhatsApp, Facebook en Twitter is ’n teelaarde vir die verspreiding van fopnuus en samesweringsteorieë oor die Covid-19-pandemie.

Facebook moes reeds groepe op sy platform sluit wat lede aangemoedig het om selfoontorings te verwoes weens die (ongegronde) teorie dat Covid-19 deur 5G-tegnologie versprei kan word.

Meer oor:  Whatsapp  |  Facebook  |  Fopnuus  |  Tegnologie  |  Sosiale Media  |  Kletsdiens
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.