Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Eienaar van afspraak-apps in sop oor vals profiele

Die eienaar van die afspraak-app Tinder en OkCupid word deur ’n Amerikaanse reguleerder gedagvaar weens e-posse waarmee moontlike intekenare gelok is deur valse profiele wat voorgee hulle stel belang en wil kennis maak.

Die federale handelskommissie (FTC) in die VSA het Woensdag in 'n verklaring beweer Match Group Inc het bewustelik geoutomatiseerde advertensies deur Match.com gestuur het met aanduidings van belangstelling deur rekenings wat hy geweet het waarskynlik vervals is.

Dié e-posse, wat nie prentjies van die gebruikers ingesluit het nie, het aan diegene wat dit ontvang het, vertel ’n spesifieke profiel stel in hulle belang. Daarop is ’n skakel vir verdere besonderhede verskaf, wat na ’n webwerf vir intekenare lei.

tinder, match.com
tinder, match.com

“Die FTC het interne e-posse verdraai en staatgemaak op uitgesoekte data om buitensporige aantygings te maak en ons beoog om onsself met mening te verdedig,” het Match Group in ’n verklaring gesê.

Die FTC voer aan dat sommige gebruikers ingeteken het om die besonderhede van die vervalste profiele te sien.

“Ons glo Match.com het mense bedrieg om geld te betaal om in te teken deur boodskappe wat die maatskappy geweet het van swendelaars af kom,” sê Andrew Smith, direkteur van die FTC se buro vir verbruikersbeskerming.

In sy jongste kwartaalverslag het Match Group aangedui die FTC het verlede maand klagte teen hom na die Amerikaanse departement van justisie verwys het en dat hy glo dit is sonder meriete.

Lees die Match.com se verklaring hier.

Die aandeleprys van Match Group het soveel as 6% gedaal, terwyl dié van InterActiveCorp met byna 4% gedaal het.

Die FTC sê ook dat gebruikers wat oorweeg het om by Match.com in te teken in die algemeen onbewus was dat soveel as 25% tot 30% van intekenare wat hulle daagliks aansluit dit gebruik vir uitvissing (phishing)-slenters en afpersing.

Die kommissie beweer verder dat die maatskappy dit moeilik maak vir gebruikers om hul subskripsie te beëindig. – Reuters


Meer oor:  Tinder
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.