Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Prosus-plan lig wel Naspers se aandeelprys

Prosus, die Naspers-filiaal wat die groep se oorsese internetbelange huisves, is byna halfpad met sy $5 miljard-program vir die terugkoop en aankoop van aandele.

Bob van Dijk, uitvoerende hoof van Naspers en Prosus. Foto: Getty Images

Daar is ook tekens dat die plan in sy doelwit slaag, naamlik om die groep se aandeelprys te ondersteun.

Prosus kondig sedert einde November weekliks aan hoeveel Prosus-aandele hy terugkoop en ook hoeveel van Naspers se aandele hy koop. Die mikpunt is vir $1,37 miljard se gewone Prosus-aandele en $3,63 miljard se gewone Naspers-aandele.

Teen 22 Januarie het Prosus reeds nagenoeg $869 miljoen van sy eie aandele teruggekoop en $996 miljoen se Naspers-aandele gekoop.

Sedert die terug- en aankoopplan op 24 November begin het, het Prosus se aandeelprys op die JSE met 8,2% tot R1 820,94 (26 Januarie se sluiting) gestyg. Naspers se aandeelprys het in dieselfde tyd met 12,6% tot R3 600 gestyg.

Hoewel die hele JSE die jaar met ’n stewige lopie begin het, het die indeks van alle aandele in dieselfde tyd met net 5% gestyg, wat dit wel laat lyk of die program ’n mate van sukses behaal. Aangesien heelparty ander faktore ook ’n rol met Naspers se aandeelprys kan speel, onder meer die waarde van die rand, sal ’n langertermynperspektief nodig wees om die sukses van die program te meet.

Die ontknoping van MultiChoice en die afsonderlike notering van Prosus op die Euronext-beurs in Amsterdam was die vorige twee stappe wat Naspers gedoen het om sy aandeelprys, wat nie die onderliggende waarde van die ondernemings in sy stal weerspieël nie, te probeer ondersteun.

Die maatskappy gebruik sy eie kontant vir die transaksies.

  • Netwerk24 is ’n publikasie van Media24, ’n Suid-Afrikaanse filiaal van Naspers.
Meer oor:  Prosus  |  Naspers  |  Tegnologie  |  Aandele  |  Beleggings  |  Geklassifiseerde Advertensies  |  E-Handel
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.