Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Robotte help jou nou in SA hotel

Nie al die personeel in die Hotel Sky in die welgestelde Sandton-distrik in Johannesburg is streng ingestel op die Covid-19-protokolle, soos om maskers te dra en ’n gesonde afstand van gaste te hou, nie.

robotte
Robotte help jou nou in Hotel Sky in Johannesburg. Foto: Unsplash

Dit is omdat die drie portiere Lexi, Micah en Ariel nie jou gewone werkers is nie – hulle is robotte.

Robot-gasvryheid is nie iets nuut nie. In sommige hotelle in Japan word hulle al lank gebruik en in 2015 was die Henn’na die eerste hotel in Tokio wat volledig deur masjiene beman is.

Verskeie Tokio-hotelle met robotpersoneel gebruik nou robotte om gaste met ligte Covid-19-simptome te bedien.

Maar Hotel Sky is die eerste in Afrika wat geoutomatiseerde portiere gebruik, ’n konsep wat ’n opskudding kan veroorsaak in ’n land met ’n werkloosheidskoers van 30,8%.

“Dit sal nooit mense vervang nie,” sê Paul Kelley, besturende direkteur van Hotel Sky.

“Ek dink dit is die toekoms. Ons gaan aanstaande maand ’n susterhotel in Kaapstad bekend stel.

Lexi, Micah en Ariel lewer kamerdiens, verskaf reisinligting en kan tot 300 kg bagasie uit die voorportaal na die kamers bring.

Ek dink dit is die toekoms.
Paul Kelley, besturende direkteur van Hotel Sky in Sandton

As die hotel ’n gas met Covid-19-simptome ontvang, kan die robotte ingespan word om so ’n gas van diens te wees.

Andersins, kan gaste kies of hulle met personeellede wil kommunikeer of die selfdiens wil gebruik. Die selfdiens word per telefoon beheer,” het Herman Brits, die hoofbestuurder van die hotel, gesê.

Steve Pinto, uitvoerende hoof van CTRL Robotics, wat die robotte verskaf, sê die robotte kan selfs klante se gesigte “lees” om te bepaal hoe gelukkig hulle is.

Lexi, Micah en Ariel is egter nie die enigstes wat aandag trek in Afrika nie.

Jasiri, Shujaa en Tumaini, wat in China vervaardig is en geskenk is deur Japan en die Verenigde Nasies se ontwikkelingsprogram, word op Nairobi se internasionale lughawe ingespan vir ontsmetting en om mense vir tekens van Covid-19 te monitor.

Terwyl Jasiri sy rondes doen, spuit hy ontsmettingsmiddel in die vorm van ’n fyn mis oor bagasie, en neem infrarooi foto’s terwyl hy honderde passasiers per minuut skandeer.

“Die rol van Jasiri is om die veiligheid van internasionale reise te verbeter,” het Simon-Peter Njoroge, bestuurder van die lughawe, aan Reuters gesê.

“Dit is nog ’n voorbeeld van hoe die toekoms gaan lyk. Die toekoms beweeg ook na kontaklose reis en outomatisering.”

Meer oor:  Toerisme  |  Hotelbedryf  |  Gasvryheidsbedryf  |  Robotte  |  Reis
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.