Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Sal jy Facebook vir ’n maand prysgee vir R700?
Facebook is die wêreld se grootste sosiale netwerk. Foto: Getty Images

Sal jy bereid wees om Facebook vir ’n maand prys te gee in ruil vir $50 (sowat R715)?

Dit is die vraag wat navorsers van die Massachusetts Institute of Technology (MIT) in ’n nuwe ondersoek vra.

Daar word gehoop dat die navorsing ekonome kan help om te verstaan in hoeverre gratis tegnologie die ekonomie en ons lewe hervorm.

Die skrywers reken die sosiale netwerk dra self 0,11 persentasiepunt by tot die Amerikaanse bruto binnelandse produk (BBP) gemeet aan die voordeel daarvan vir gebruikers.

Die ondersoek vra ook die breër vraag waaroor ekonome wonder: Hoeveel verbeter tegnologie ons lewe?

Gewoonlik sou so ’n vraag se fokus wees op hoeveel ryker vernuwende tegnologie ons maak.

Daarom sou die antwoord in ’n land se BBP – ’n onvolmaakte, maar redelike maatstaf van totale welstand – verskyn.

Dié taak raak egter moeiliker wanneer die tegnologie gratis is wat die samelewing transformeer.

Facebook, Twitter en ander dienste wat gratis is, kos gebruikers per slot van rekening niks nie, maar dra by tot produktiwiteit – en uiteindelik tot ’n land se BBP.

Die skrywers het toe eksperimente gedoen om die geldwaarde te bepaal wat mense aan sekere gratis dienste toedig.

Dit het hulle in staat gestel om ’n alternatief tot BBP saam te stel wat nie gegrond is op werklike koste nie, maar op waargenome waarde.

Onder ’n verteenwoordigende steekproef van Amerikaanse internetgebruikers het hulle bevind dat die gemiddelde prys om Facebook vir ’n maand prys te gee $42,17 (sowat R603) is.

In ’n afsonderlike steekproef in Nederland het die navorsers bevind die hoogste waarde onder internetgebruikers word aan WhatsApp toegeken.

Een maand daarsonder word gereken op ’n verlies van €535 (R8 500).

Facebook was die tweede waardevolste met ’n gerekende verlies van €100 (R1 500).

Die waarde van ’n maand sonder Twitter was minder as €1.

“Die voorgestelde maatstaf wat in die studie voorgestel word, maak dit moontlik om ’n deegliker ondersoek na die impak van gratis goedere op welvaart te doen.

Dit kan ’n beduidende impak op beleid ook hê,” sê die skrywers. – Bloomberg

Meer oor:  Whatsapp  |  Facebook  |  Tegnologie  |  Sosiale Media  |  Internet
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.