Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
Só gaan Naspers se syfers sonder MultiChoice lyk

Naspers se wins uit die verkoop van 2% van sy belang in Tencent in Maart verlede jaar rem vanjaar sy syfers af.

Voortgesette bedrywighede sluit vanjaar vir die eerste keer Naspers se afdeling vir videovermaak (Multichoice en Showmax) uit.

Sy wins van $1,6 miljard uit die verkoop van sy Indiese e-handelonderneming Flipkart aan Wal-Mart in Mei verlede jaar en die uitkeer van sy belang in MultiChoice aan aandeelhouers in Februarie vanjaar kon nie daarvoor vergoed nie, blyk uit ’n Sens-verklaring wat Naspers Woensdagaand ná die sluiting van die JSE uitgereik het.

Omdat daar nie vanjaar weer so ’n enorme bonus – van nagenoeg $9,8 miljard – invloei nie, gaan die groep se verdienste per aandeel vir die boekjaar tot einde Maart met tussen 39% en 40% ’n aandeel laer wees. As slegs voortgesette bedrywighede in ag geneem word, lyk dinge selfs swakker, met ’n verwagte daling van tussen 62% en 63% in die verdienste per aandeel.

Voortgesette bedrywighede sluit vanjaar vir die eerste keer Naspers se afdeling vir videovermaak uit, en die 2018-syfers is volledig heraangegee daarsonder om dit moontlik te maak om die twee boekjare se syfers te vergelyk. Videovermaak, wat MultiChoice en Showmax insluit, is in Februarie afsonderlik op die JSE genoteer as die MultiChoice Group. MultiChoice reik Dinsdag (18 Junie) sy resultate uit en Naspers volgende Vrydag (21 Junie).

Naspers se ander syfers toon sterk groei. Die groep se kernwesensverdienste per aandeel gaan tussen 31% en 33% hoër wees, oftewel tussen 24% en 26% hoër as voortgesette bedrywighede vergelyk word.

Naspers en baie ander Suid-Afrikaanse maatskappye beskou kernwesensverdienste, wat eenmalige en nie-bedryfsitems uitsluit, as ’n meer akkurate aanduiding van bedryfsprestasie as verdienste per aandeel. Dis egter nie ’n maatstaf wat in die Internasionale Finansiële Verslagdoeningstandaarde (IFRS) erken word nie.

Wesensverdienste per aandeel gaan byna verdubbel. Dit gaan met tussen 118% en 121% styg, of met tussen 121% en 124% as net voortgesette bedrywighede vergelyk word.

Die skerp styging in die wesensverdienste per aandeel kan toegeskryf word aan billikewaarde-wins wat Tencent op sekere van sy beleggings erken het. Dit kom in die lig van veranderinge aan hoe die IFRS voorskryf billike waarde bereken moet word.

Netwerk24 is ’n publikasie van Media24, ’n filiaal van Naspers.

Meer oor:  Naspers  |  Multichoice  |  Tencent  |  Showmax  |  Resultate  |  Wins  |  Boekjaar
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.