Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Tegnuus
WhatsApp se fout kan jou flater word
WhatsApp het begin vanjaar gesê hy het meer as 1,5 miljard gebruikers wat 65 miljard boodskappe per dag stuur.

’n Kuberveiligheidsgroep in Israel waarsku WhatsApp het ’n fout wat toelaat dat kuberkrakers vals boodskappe na individue en groepe kan stuur.

Die maatskappy Check Point Software Technologies sê hy het ’n sekuriteitsfout in WhatsApp ontdek.

Die fout bied kuberkrakers die moontlikheid om “boodskappe te onderskep en te manipuleer". Dit kan hulle ook toelaat om foutiewe inligting te versprei.

Die fout maak dit moontlik vir ’n kuberkraker om ’n funksie in WhatsApp te gebruik wat iemand toelaat om ’n ander persoon se boodskap aan te haal en daarop te reageer, die identiteit van die persoon wat die boodskap gestuur het te verander, of die teks te verander. Dit laat iemand selfs toe om ’n private boodskap na ’n ander persoon in die groep te stuur maar as die persoon reageer is dit sigbaar vir almal.

Check Point het WhatsApp in kennis gestel van die probleem. WhatsApp het glo laat weet hy kan nie dadelik die probleem regstel nie weens die manier hoe die app gebou is.

Check Point sê hy het besluit om die inligting openbaar te maak omdat mense in Indië en Brasilië al vermoor is weens vals WhatsApp-boodskappe.

“WhatsApp is lankal nie meer net ’n app nie, dit is infrastruktuur wat deur instellings en skole gebruik word.”

Volgens ’n woordvoerder van WhatsApp kyk hulle na die probleem.

“Dit is soortgelyk aan ’n e-pos wat gewysig word om dit te laat lyk na iets wat ’n persoon nooit geskryf het nie.”

WhatsApp het onlangs ’n “tag” aan boodskappe geheg van iemand wat aangehaal en aangestuur word en het veranderinge aan groepe se gesprekke aangebring om die verspreiding van verkeerde inligting te beperk.

WhatsApp sê dit het niks met sy enkripsiefunksie te doen nie.

Facebook het WhatsApp in 2014 gekoop.

WhatsApp het begin vanjaar gesê hy het meer as 1,5 miljard gebruikers wat 65 miljard boodskappe per dag stuur. – Fin24

Meer oor:  Check Point  |  Whatsapp  |  Kuberkrakers
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.