Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Landbou
SA en Namibië stry nog oor invoer van hoender
Suid-Afrikaanse hoenderprodusente het goeie nuus gekry in hul stryd om onder meer bevrore hoender na dié buurland uit te voer.

Die Suid-Afrikaanse hoenderbedryf vra die regering om beskerming teen invoer, maar baklei voort in die Namibiese hooggeregshof in Windhoek om soortgelyke maatreëls in daardie land te laat skrap.

Suid-Afrikaanse hoenderprodusente het goeie nuus gekry in hul stryd om onder meer bevrore hoender na dié buurland uit te voer. Namibië het in 2013 streng kwotas vir die invoer van sekere hoenderprodukte gestel “om hul jong hoenderbedryf te beskerm”.

Die invoerbeperking is 900 ton per maand. Suid-Afrika het ­vroeër tot 2 000 ton per maand uitgevoer.

Lede van die Suid-Afrikaanse Pluimveevereniging (Sapa) sê hulle ly direkte, volgehoue en deurlopende skade. Die Namibiese appèlhof het gelas die hooggeregshof moet weer na dié saak kyk wat deur Sapa en die maatskappye Astral Foods, Supreme Poultry, Crown Chickens, Afgri Poultry en Rainbow Farms ingestel is.

Dié maatskappye is almal Sapa-lede wat baie uitgesproke is oor hoe hulle negatief geraak word deur goedkoop invoere van onder meer Brasilië en die Europese Unie.

Chris Schutte, uitvoerende hoof van die hoenderreus Astral, het vroeër aan Landbouweekblad gesê die Suid-Afrikaanse regering behoort kwotas in te stel vir invoere na Suid-Afrika. Invoertariewe wat geld, beskerm die hoenderbedryf nie genoegsaam teen lande wat spotgoedkoop hoenderprodukte hier verkoop nie, sê hy.

Dieselfde maatskappy is egter erg gekant teen presies dié maatreël van Namibië. Sapa meen die beperkings is onwettig omdat dit nie voldoen aan internasionale verdragsverpligtinge nie.

Die hooggeregshof in Windhoek het vroeër die Suid-Afrikaners die deur gewys omdat hul hofsaak te laat ingedien is.

Hy sê die Namibiese minister het die kwotas op ’n prosedureel onbillike manier ingestel, teenstrydig met die Namibiese grondwet en die gemenereg.

Die Namibiese regering, Namib Poultry Industries (NPI) en die Namibiese vleisraad staan die aansoek teen. Hulle meen die handelsmaatreëls is deel van ’n ekonomiese beleid om dié land se jong pluimveebedryf te beskerm.

Die hooggeregshof in Windhoek het vroeër die Suid-Afrikaners die deur gewys omdat hul hofsaak te laat ingedien is. Die hersieningshof­aansoek is meer as ’n jaar nadat die handelsmaatreëls in die Staatskoerant afgekondig is, ingedien.

Die appèlhof het bevind die saak is van groot openbare belang. Dit gaan ook oor die mate waartoe internasionale handelsverdrae deel vorm van Namibië se plaaslike reg en of die verdrae in die land se nasionale howe afgedwing kan word.

Adv. David Unterhalter SC het namens die Suid-Afrikaanse maatskappye in die appèl gesê hulle het die beperkings eers met diplomatieke ingryping probeer beredder. Toe dít vrugteloos was, het hulle besluit op die hofaansoek.

Adv. Jeremy Gauntlett SC, namens die Nami­biese partye, sê nasionale howe kan nie bereg oor handelsverdrae wat onder die internasionale reg gesluit is nie.

’n Nuwe hofdatum moet nog bepaal word.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.