Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Landbou
Wynoes dalk steeds kleiner as vorige 5 jaar s’n

Genoeg water kan help dat die wyndruifoes vir 2020 na verwagting ietwat groter as verlede jaar kan wees, maar steeds kleiner as die gemiddelde oes die afgelope vyf jaar.

Viognier-wyndruiwe op die Chennels-plaas in die Helderberg. Foto: Verskaf

Volgens die wynbedryf se inligtingsorganisasie, Sawis, het wynboere in 2019 ’n oes van 1,2 miljoen ton gelewer. Dit was kleiner as die afgelope vyf jaar se gemiddelde oes van 1,3 miljoen ton.

Die jongste oesskatting is saamgestel uit inligting wat middel Januarie van wingerdboukundiges en kelders ontvang is. Dit is die tweede oesskatting vir die seisoen.

Conrad Schutte, bestuurder van Vinpro se wingerdboukunde-konsultasiediens, sê die parsseisoen het meestal ’n week vroeër begin.

’n Verskeidenheid klimaatsfaktore beïnvloed die oesskatting.

“Blom en set was oor die algemeen goed en beter as wat ons in die vorige seisoen gesien het. Genoeg water en hitte het wingerdgroei bevorder,” sê Schutte luidens ’n verklaring. “Die wingerde se lowers is daartoe in staat om ’n goeie oes ryp te maak.”

Produsente het vanjaar meer water beskikbaar as in die vorige seisoen, dus kan besproeiing gedurende die rypwording toegepas word indien nodig.

“Ons sien in die kelders wat reeds begin pars het, dat hulle goeie tonnemaat afgehaal het,” sê Schutte.

Hy raai produsente aan om baie tyd gedurende parstyd in die wingerd te bestee om die grondwaterinhoud te monitor sodat water doeltreffend toegedien word.”

Schutte sê hoewel dinge in hierdie stadium rooskleuriger lyk vir die meeste streke, het die Noord-Kaap rypskade ondervind, terwyl die Olifantsrivierstreek steeds herstel na die vorige jare se droogte.

Hy sê ook dele van die Klein-Karoo gaan nog gebuk onder ’n droogte. In hierdie streke word ’n ondergemiddelde oes verwag.

Meer oor:  Sawis  |  Vinpro  |  Wyndruifoes  |  Oesskatting  |  Wynbedryf
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.