Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Maatskappye
Denel sluit filiaal wat onderdele vir lugvaart maak

Denel Aerostructures se deure sluit nou amptelik en gaan sy kontrakte skuif na ander vervaardigers.

Denel sê Donderdag in ’n verklaring dat werksverliese “so ver as moontlik” beperk is. Denel wou by navraag nie sê hoeveel mense wel afgelê is nie.

’n Atlas Oryx-helikopter, wat deur Denel vervaardig word. Foto: Denel

Die beleërde staatsonderneming is al ’n geruime tyd besig met grootskaalse herstrukturering en gedeeltelike privatisering om weer winsgewend te kan word.

Denel Aerostructures is ’n aparte afdeling van Denel Aeronautics, wat steeds voortbestaan. Die wapentuigvervaardiger verduidelik die besluit om sy Aerostructures-onderneming te sluit is in oorleg met sy kliënte gemaak en onderdele sal nou deur ander verskaffers vervaardig word.

“Die onderneming was net nie meer volhoubaar vir Denel nie,” sê die maatskappy.

Afleggings is ingevolge art. 189 van die Wet op Arbeidsverhoudinge gedoen, sê Mike Kgobe, uitvoerende hoof van Denel Aeronautics. Vakbonde en ander werknemers is onder toesig van die Kommissie vir Versoening, Bemiddeling en Arbitrasie geraadpleeg.

“Ons het regtig hard gewerk om werksverliese so ver as moontlik te beperk,” sê Denel.

Sommige werknemers word geskuif na ander afdelings binne die Denel-groep.

Denel Aeronautics in Kempton Park is onder meer verantwoordelik vir instandhouding van aanvalshelikopters en -vliegtuie vir die Suid-Afrikaanse Lugmag en ander kliënte.

Meer oor:  Denel  |  Wapenvervaardiger  |  Staatsondernemings
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.