Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Maatskappye
Dudu Myeni hoor haar lot eers later

Dudu Myeni, voormalige voorsitter van die Suid-Afrikaanse Lugdiens (SAL), sal eersdaags hoor of sy lewenslank as misdadige direkteur verklaar gaan word.

Dudu Myeni, voormalige voorsitter van die Suid-Afrikaanse Lugdiens (SAL), toe sy vir die eerste keer in die hooggeregshof in Pretoria verskyn het. Foto: William Horne

Stefanie Fick, hoof van die Organisasie teen Belastingmisbruik (Outa) se regsdienste, meen egter Myeni het nie baie goed gevaar onder kruisondervraging deur adv. Caroline Steynberg SC nie.

“Sy het dikwels gevou onder die druk,” sê Fick aan Netwerk24.

Regter Ronel Tolmay het Vrydag haar uitspraak voorbehou omdat daar nie transkripsies van die hofverrigtinge was nie.

Adv. Nqabayethu Buthelezi SC, vir Myeni, en Steynberg wag ook op die transkripsies sodat hulle aanvullende hooftrekke van hul betogings kan indien nadat die slotargumente Vrydag afgehandel is.

Tolmay het Vrydag gesê sodra sy die aanvullende hooftrekke saam met die transkripsies ontvang, sal sy hopelik binne ’n week daarna haar uitspraak kan lewer.

Fick sê Outa het al in die eerste week van die hofverrigtinge op 20 Februarie begin vra vir transkripsies, maar daar is nog geen aanduiding van wanneer hulle dit gaan kry nie.

Outa is wel baie tevrede met die verloop van die saak.

Waar Myeni in haar eie getuienis baie “voorspelbaar” was in hoe sy haarself verdedig het, het sy gesukkel onder die kruisondervraging wat tot 26 Februarie geduur het, sê Fick.

Sy is tevrede met Outa se werk. “Ons het gedoen wat ons gesê het ons gaan doen en is vol vertroue oor die uitkoms van die saak.”

Outa vra nou dat Myeni lewenslank as misdadige direkteur verklaar word en nie net vir die standaard van sewe jaar nie. As sy as misdadige direkteur verklaar word, sal sy nie verder in direksies kan dien nie.

Myeni dien steeds in verskeie direksies waarvoor sy betaling kry.

As sy skuldig bevind sou word, sal Myeni nie meer dié geld kan verdien nie omdat sy dadelik uit die direksies sal moet bedank.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.