Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Maatskappye
Solidariteit: Swart kleinsake wél voorgetrek met hulp
Kleinsake in Suid-Afrika neem baie minder mense in diens as wat navorsers verwag het. Foto: Argief

Die vakbond Solidariteit het ’n klag by die Suid-Afrikaanse Menseregtekommissie ingedien omdat ras tog ’n rol gaan speel wanneer hulp verleen word aan kleinsakeondernemings wat weens die Covid-19-krisis swaar trek.

Dit kom ’n dag nadat Khumbudzo Ntshavheni, minister van kleinsakeontwikkeling, verseker het daar is geen vereiste dat ondernemings 51% in swart besit moet wees om vir hulp te kwalifiseer nie. Sy het verseker dat ondernemings van “alle demografie” gehelp sal word, mits hulle deur Suid-Afrikaners besit word, hul belastingsake in orde is en hulle tot die Werkloosheidsversekeringsfonds (WVF) bydra.

Sy het wel gesê die verspreiding van hulp moet “demografies verteenwoordigend” wees, en dis hierteen dat Solidariteit beswaar maak.

Solidariteit maak ook beswaar teen die hulppakket van R200 miljoen wat die departement van toerisme aan klein, middelslag- en mikro-ondernemings (KMMO’s) in die sektor gaan leen. Volgens die verklaring deur die departement sal minstens 70% van die begunstigdes ondernemings in swart besit wees, 50% ondernemings in vroue se besit, 30% in jeug se besit, en 4% in die besit van mense met gestremdhede.

Die departement verwys na die “beperkte fiskus”

Solidariteit gaan benewens sy klag by die Menseregtekommissie ook regstappe voorberei.

“Terwyl die res van ons voorwaar voorberei op ’n tyd van krisis en ongekende swaarkry, sien die regering dit maar net as ’n gulde geleentheid om sy aanstootlike rasse-ideologie af te dwing. Dit is afgryslik,” sê Dirk Hermann, bestuurshoof van Solidariteit.

Solidariteit voer aan dat dit een ding is om te sê dat SEB ’n voorvereiste is vir staatskontrakte, maar dit is iets heeltemal anders as die president gesê het dat niemand mag sake doen nie en dan weier om sekere ondernemings te beskerm te midde van dié drastiese stap.

Benewens die noodfinansiering wat beskikbaar gestel word, kan werkgewers ook namens hul werknemers van die WVF eis. Besonderhede hieroor moet nog bekend gemaak word.

Meer oor:  Ekonomie  |  Solidariteit  |  Koronavirus  |  Covid-19  |  Kleinsake
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.