Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Maatskappye
Steinhoff wil Pepco dalk binnekort noteer

Die internasionale meubelgroep Steinhoff hervat sy planne om sy Europese meubelwinkelgroep Pepco moontlik te noteer.

Pepco, wat 1 300 winkels in onder meer Pole en Roemenië bedryf, word as een van Steinhoff se winsgewendste ondernemings beskryf.

Steinhoff het Maandagmiddag op die JSE se nuusdiens, Sens, bekend gemaak die evaluasieproses vir strategiese opsies vir die Pepco-groep is hervat. ’n Hele aantal opsies word oorweeg, wat ’n moontlike notering insluit.

Steinhoff het in November 2019 al aangedui hy oorweeg dit om Pepco te verkoop of dit afsonderlik te noteer. Maar deur die loop van 2020 is die tydsberekening van sy planne deurmekaar gekrap deur die Covid-19-pandemie.

Steinhoff sê die hervatte proses is nog in sy kinderskoene en geen definitiewe besluit is al geneem oor enige spesifieke plan met Pepco nie.

In Maart verlede jaar het Bloomberg berig dat Steinhoff die verkoop van Pepco wil uitstel weens die geweldige onsekerheid in die wêreldmarkte en omdat Andy Bond, uitvoerende hoof van Pepco, toe siek was. Bond is bekend as een van die mense wat gehelp het om die Europese kleinhandelgroep Asda om te keer voordat dit in 1999 aan die Amerikaanse Walmart verkoop is.

Steinhoff se aandeelprys het Maandag op die JSE met meer as 12% tot R1,45 geklim.

Meer oor:  Steinhoff  |  Bedrog  |  Sakeredding  |  Meubelhandel
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.