Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Maatskappye
Teëls vlieg nie van die rakke af, maan Italtile
Italtile
Een van Italtile se takke.

Huishoudings is pessimisties en het minder geld om te bestee aan huisverbeterings en opknappings, blyk uit die jongste handelsverslag van Italtile, wat teëls en badkamertoerusting verkoop.

Italtile se totale winkelverkope het in die vyf maande tot einde November met 5% gestyg, vergeleke met ’n jaar gelede. As vergelykende winkelsyfers egter gebruik word, het die verkope met net 2% gestyg.

Mense het minder besteebare geld, en die verbruikersentiment is pessimisties, sê Italtile, wat die teëlhandelaars CTM, TopT en U-Light besit en beherende belange in die teëlvervaardiger Ceramic Industries en die teëlsementverskaffer Ezee Tile Adhesive Manufacturers het.

Handelstoestande in van die groep se uitvoermarkte soos Zimbabwe en Zambië is ook swak, sê die groep in ’n Sens-nuusverklaring.

Teëlvoorraad hoop op by groothandelaars, en die vraag van kleinhandelwinkels vir teëls is ook oor die algemeen swakker, wat Ceramic Industries se verkope negatief raak.

Italtile se bestuur bly optimisties dat hy groei vir die volle boekjaar sal wys. Hy verwag dat die groei in die tweede halfjaar (Januarie tot Junie 2020) beter as in die eerste halfjaar tot einde Desember vanjaar sal wees.

Italtile se aandeelprys op die JSE was teen laat Woensdagoggend 1c laer op R14,10.

Meer oor:  Italtile
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.