Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Maatskappye
Wat is oop en wat is toe? Nuut op staat se lys

Die lys noodsaaklike produkte en dienste wat oop is en wie se werknemers dus vryelik mag rondbeweeg tydens die staat van inperking is Vrydag bygewerk. Hier is wat ons nou weet (op Vrydag 27 Maart om 13:20). Die lys sal moontlik herhaaldelik aangepas word.

LEES OOK: Wie is wanneer oop en wat word verkoop?

Winkels, dienste wat oop bly

Die belangrikste winkels en ondernemings wat oop sal wees en dienste gelewer sal word, is:

  • Winkels wat enige kos, skoonmaakmiddels en toiletware verkoop, insluitend spazawinkels;
  • Plekke wat produkte verkoop wat in die vervaardiging van kos of ander noodsaaklikhede nodig is;
  • Apteke;
  • Vulstasies;
  • Veeartse en winkels wat dierekos verkoop;
  • Winkels wat produkte vir die versorging van babas en kleuters verkoop;
  • Plekke wat lugtyd en krag verkoop;
  • Banke, ook kitsbanke;
  • Laboratoriums;
  • Die JSE;
  • Vullisverwydering;
  • Watervoorsiening;
  • Begrafnisondernemers;
  • Koerierdienste wat noodsaaklike mediese toerusting aflewer;
  • Koerante, digitale nuusdienste en uitsaaidienste;
  • Insleepdienste;
  • Insleepdienste;
  • Oproepsentrums wat nodig is om sekere dienste te lewer in die veld van gesondheid, veiligheid, maatskaplike steun, regerings- en finansiële dienste; en
  • Oes- en bergingsbedrywighede om te keer dat primêre landbouprodukte verlore gaan.

Wie is vrygestel van inperking?

Benewens werknemers van winkels en ondernemings wat oop mag bly, mag die volgende mense vryelik rondbeweeg:

  • Enige werknemers van maatskappye wat basiese goedere, insluitend kos, skoonmaakmiddels en brandstof, vervaardig of versprei;
  • Gesondheidswerkers (staat- en private sektor);
  • Nooddienspersoneel (soos ambulanspersoneel, reddingswerkers);
  • Veiligheidspersoneel (polisielede, verkeersbeamptes, soldate, private veiligheidswagte);
  • Mense in die bankwese wat noodsaaklike dienste verrig;
  • Mense wat in krag- en waterverskaffing werk;
  • Mense wat telekommunikasie-infrastruktuur in stand hou (veselnetwerke, foonlyne en selfoontorings);
  • Mense wat bejaardes en siek mense versorg, hetsy by hul huis of in tehuise;
  • LP’s, munisipale werknemers, staatsamptenare en werknemers van staatsondernemings wat die noodmaatreëls in werking moet stel;
  • Lede van die media;
  • Mense wat werk met betaalstaatstelsels as ander reëlings nie voor die inperking getref is nie, ten einde te verseker dat werknemers betyds betaal word; en
  • Mense wat kritieke onderhoudsdienste verrig wat nie meer as 21 dae uitgestel kan word nie en wat noodsaaklik is sodat bedrywighede ná die inperking hervat kan word.

Wat is toe?

  • Winkelsentrums (met die uitsondering van winkels wat kos en noodsaaklike goed verkoop)
  • Restaurante
  • Enige plek wat drank verkoop (insluitend drankwinkels)
  • Kerke
  • Gimnasiums
  • Sportklubs
  • Parke
  • Openbare swembaddens
  • Vakansie-oorde
  • Strande
  • Vlooi- en ander markte
  • Basaars
  • Casino's
  • Hotelle, lodges en gastehuise
  • Fliek- en ander teaters
  • Nagklubs
  • Taxistaanplekke
  • Lughawens
  • Treinstasies
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.