Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Aftrede
Als wat jy oor aftree-regulasie moet weet
Regulasie 28 is ’n manier om te verseker dat jou aftreegeld nie net aan een aandeel of een kommoditeit blootgestel is nie.

Regulasie 28 is nou al geruime tyd deel van Suid-Afrika se beleggingswoordeskat en tog is daar steeds vrae daaroor.

Regulasie 28 gee uitvoering aan art. 36 (1) (bB) van die Wet op Pensioenfondse en het reeds in 2011 in werking getree tydens Pravin Gordhan se eerste termyn as minister van finansies.

Dit beperk die blootstelling wat aftreeprodukte – soos pensioen-, voorsorg- en bewaringsfondse en uittree-annuïteite – aan verskillende bateklasse kan hê.

Die doelwit van die regulasie is om mense se aftreegeld te beskerm. Dit is dus ook ’n goeie aanduiding van hoe ’n betreklik konserwatiewe belegging daar moet uitsien.

Die regulasie stel ’n maksimum persentasie wat jy in ’n sekere bateklas mag belê. Jy mag byvoorbeeld ’n maksimum van 5% in goud belê, maar vir ’n laerisikobate soos effekte of die geldmark is die maksimum 100%.

Interessant genoeg laat regulasie 28 ’n blootstelling van 75% aan plaaslike aandele toe - maar dit is in die lig daarvan dat aftreegeld langtermynbeleggings is wat dus korttermynwisselvalligheid kan verduur. Dit sou dus nié deur die reguleerders as te riskant beskou word om 75% van jou aftreegeld in aandele te belê nie, hoewel daar min sodanige fondse in die mark is.

Die meeste pensioenfondse en ook batebestuurders of versekeraars se uittree-annuïteite het ’n reeks portefeuljes om uit te kies. Dit wissel van konserwatiewe portefeuljes met meer blootstelling aan kontant en effekte en minder aan aandele; tot meer aggressiewe portefeuljes, wat op hul beurt ’n hoër persentasie in aandele, genoteerde eiendom en buitelandse bates belê.

Gewoonlik word jong werknemers aangeraai om die meer aggressiewe portefeulje met die grootste blootstelling moontlik aan aandele te kies; mense in hul middeljare kan skuif na ’n gematigde portefeulje; en mense word in die vyf tot tien jaar voor aftrede aangeraai om na ’n meer konserwatiewe portefeulje te skuif waar minder van hul geld in aandele belê word.

Beleggers moet seker maak hul portefeulje is gepas vir hul beleggingstermyn en die hoeveelheid risiko (oftewel wisselvalligheid) wat hulle kan verduur. As jy ’n lang beleggingshorison het, wys langtermynstatistieke daarop dat aandele jou die beste skans teen inflasie bied en kontant die swakste skans.

Daar is baie nie-aftreeprodukte in Suid-Afrika wat ook aan regulasie 28 voldoen omdat dit eintlik ’n betreklik gebalanseerde, gediversifiseerde portefeulje kan daarstel – mits ’n batebestuurder nie oorleun na een bateklas nie.

Regulasie 28 loop gereeld onder kritiek deur, met sommige batebestuurders wat sê dis die rede waarom hul fondse nie goed vaar nie. Dit hou egter glad nie water nie, gegewe dat tot 75% van fondse in aandele belê kan word, sowel as 25% oorsee en 25% in genoteerde eiendom - alles bates wat op lang termyn baie goeie prestasie oplewer.

Meer oor:  Pensioen  |  Aftrede  |  Pensioenfondse  |  Aftreebeplanning
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.