Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Beleggings
Dís waarom bitcoin skielik soveel styg

Die onverwagse styging in die prys van bitcoin die laaste paar dae is waarskynlik ’n direkte reaksie op markonsekerheid weens die voortslepende handelsoorlog tussen China en Amerika, sê Marius Reitz hoof van Luno in Suid-Afrika.

Plaaslik sien Luno ook al hoe meer mense wat belangstel in die prys van bitcoin, maar wat nie noodwendig kopers word nie.

Beleggers en ontleders is die afgelope week onkant betrap met die bitcoin-prys wat skielik die hoogte inskiet. Teen Woensdag het dit selfs bo $8 200 gaan draai voordat dit weer tot net onder die $8 000-kerf teruggesak het.

Volgens Reitz is bitcoin moontlik besig om ’n bulmark te betree ná die afgelope jaar se relatiewe stabiliteit in die prys daarvan.

In Januarie vanjaar het die prys skerp van $6 500 in Desember tot so min as $3 100 gedaal, waarna dit gestabiliseer het rondom die $4 000-merk.

Die aanvanklike styging aan die begin van April was waarskynlik veroorsaak deur ’n institusionele belegger (of beleggers) wat op een slag ’n groot bedrag geld in bitcoin belê het, sê Reitz.

Dit het ’n stormloop van kopers ontketen wat die prys verder opgejaag het.

“Ek vermoed die huidige lopie is steeds in reaksie op die momentum wat deur die aanvanklike prysstyging veroorsaak is.”

Daar is baie belangstelling van sowel gewone klante en institusionele beleggers wat wil seker maak hulle loop nie die volgende lopie mis nie.
Reitz

Reitz meen wel dat die handelsoorlog tussen China en Amerika ’n wesenlike impak op die bitcoin-prys kan hê, aangesien beleggers geneig is om te diversifiseer na digitale geld wanneer ander bateklasse soos aandele en kontant wisselvallig raak.

Die prys van bitcoin het histories ’n baie klein of bykans geen korrelasie getoon met hoe hierdie ander bateklasse vaar nie.

Sentrale banke het ook in die laaste paar maande meer sekerheid gegee oor die moontlike regulering van die bedryf, sowel hier as elders.

Dié versekering het ook as ’n nodige hupstoot gedien om mense te noop om in kriptogeld te belê, sê Reitz.

Plaaslik sien Luno ook al hoe meer mense wat belangstel in die prys van bitcoin, maar wat nie noodwendig kopers word nie.

Bitcoin

“Daar is baie belangstelling van sowel gewone klante en institusionele beleggers wat wil seker maak hulle loop nie die volgende lopie mis nie.”

Sodra meer mense belangstel om bitcoin te koop, skiet die prys op.

“Dit lei wel tot ’n tydperk van spekulasie,” waarsku Reitz.

“Dit is die voortslepende tema vir die geldeenheid. So ons verwag meer skommelinge in die prys.”

Al daal die prys van bitcoin dalk weer oor die komende weke, bly die waarde daarvan oor tyd steeds toeneem.

Die plaaslike prys van een bitcoin was Woensdagmiddag net meer as R121 000, die hoogste vlak die afgelope jaar.

Bitcoin het sy hoogste vlak bereik toe dit in Desember 2017 teen bykans R265 000 verhandel het.

Meer oor:  Luno  |  Marius Reitz  |  Belegging  |  Bulmark  |  Prys  |  Bitcoin
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

  • INDEKS
  • GELDEENHEDE
  • KOMMODITEITE
Data word met 15 min. vertraag
  • Gold Mining 1414,91 (1655)
  • Top 40 48290,12 (-90377)
  • All Share 54271,23 (-95982)
  • Resource 10 42383 (-54567)
  • Financial and Industrial 30 72690,1 (-150111)

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.