Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Beleggings
JSE se eerste dag van 2021 het 'n goue randjie

Die JSE se indeks van alle aandele het op die eerste dag van verhandeling in 2021 met 1,8% gestyg tot 60 479 punte.

Goud het op die eerste dag van 2021 voortgestoom. Foto: Bloomberg

Volgens Trading Economics is dit die JSE sterkste vlak sedert 17 Desember te midde van verwagtinge van ’n vinniger herstel van die koronaviruspandemie as aanvanklik verwag vir 2021. Dit is danksy inenting teen die virus wat oorsee begin het en verdere ekonomiese stimulus in sekere groot ekonomieë.

Die indeks van Top-40-aandele het Maandag 1,9% hoër geëindig.

Die grootste stygings op die beurs onder die groot genoteerde maatskappye was van goudmaatskappye nadat die goudprys met 2,5% tot $1 941.94 gestyg het.

Gold Fields het met 8,9% en Anglogold Ashanti met 7,5% gestyg.

Ander mynmaatskappye het ook stewig gestyg, soos Exxaro Resources met 7,2%, Impala Platinum met 7%, Kumba met 6,4%, Anglo American met 4,7% en Northam Platinum met 3,9%.

Kleinhandelaars en banke het nie ’n goeie eerste dag van verhandeling gehad nie. Shoprite het met 6% gedaal; FirstRand met 3%, Growthpoint met 3%, Mr Price met 2% en Standard Bank met 2%. Die meeste ander banke en kleinhandelaars het ook laer geëindig.

Die rand het feitlik nie beweeg vir die dag nie en het teen 19:00 op R14,70 teenoor die dollar verhandel, 1c swakker as die vorige sluiting van R14,69.

Meer oor:  Jse  |  Goud  |  Platinum  |  Aandelebeurs
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.