Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Beleggings
Só vaar bateklasse in 2019, dekade

Beleggers wat dit in 2019 op die JSE gewaag het, het in dié jaar die vrugte daarvan gepluk.

Uit die vier groot Suid-Afrikaanse bateklasse het aandele in 2019 die beste gevaar, met ’n opbrengs van 12,05% op die JSE se indeks van alle aandele.

Die beurs as geheel, dividende ingesluit, het effekte (10,32%), kontant (7,29%) en genoteerde eiendom (1,93%) uitgestof.

Die syfers beteken drie uit die vier bateklasse het beter presteer as inflasie, wat teen November gemiddeld 4,2% vir 2019 beloop het (Desember se syfers is nog nie uitgereik nie). As beleggings inflasie klop, beteken dit beleggers is werklik beter daaraan toe en die koopkrag van hul beleggings het toegeneem.

k

Aandele was ook in 2017 die beste bateklas, met ’n opbrengs van 20,95%, en in 2018 was effekte (7,74%) die wenner.

Oor die afgelope tien jaar was aandele en genoteerde eiendom kop aan kop, met ’n gemiddelde jaarlikse opbrengs van 10,8% elk. Kontant het oor die dekade die swakste gevaar, met ’n opbrengs van gemiddeld 6,5% per jaar.

Net vir die maand Desember sou aandele, met ’n maandopbrengs van 3,3%, beleggers ook die beste beloon het. Vir die maand was genoteerde eiendom (-2,07%) die enigste met ’n negatiewe opbrengs.

Meer oor:  Bates  |  Beleggings  |  Effektetrustfondse  |  Bateklasse  |  Geldsake
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.