Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Beleggings
Theo Vorster: Klein foutjie, enorme skade

Ek was gelukkig om laat in Augustus ’n paar dae in die Krugerwildtuin deur te bring.

Theo Vorster

Behalwe vir die lekker kuier saam met familie om ’n Bosveldvuur en die genot om die natuur sonder enige menslike inmenging te waardeer, was daar twee gebeure wat my nogal opgeval het.

Toe ons ná ’n wildrit terug by die kamp aankom, was ’n paar bobbejane besig om hul pad binne die kamp verby die huise te maak. Gelukkig was hulle nie binne-in ons huisie nie, maar die skoonmaker maak die opmerking “dit neem net een klein foutjie” dan is die bobbejane in jou huis en sal die res van jou dag sekerlik ’n morsige ervaring wees!

Dié “net een klein foutjie” wat tot ’n groot negatiewe gevolg kan lei, is net so waar as jy kyk na langtermynbeleggings en foute wat mense baie duur te staan kan kom.

Die ander ervaring was om ’n vangs voor jou te sien uitspeel: Vier leeus wat rustig in ’n rivierbedding lê, die opstel van die lokval soos een van die leeuwyfies wegbeweeg van die res om stelling regs van ons in te neem, gevolg deur die uitvoer van die plan, wat bestaan het uit die drie ander leeus wat linksom beweeg en dan die troppie rooibokke vanuit ’n spesifieke rigting bestorm teen die rivierwal uit met die enigste wegkomkans juis waar die eerste leeuwyfie wag om die plan suksesvol uit te voer!

As ek kyk na die prestasie van beleggings die afgelope 40 jaar, is dit nou juis die tyd om nie “een klein foutjie” te maak nie, maar eerder te hou by die bewese langtermynplan wat uiteindelik daartoe gaan lei dat die beplande mikpunte wel bereik gaan word.

Langtermynbeleggers word altyd aangeraai om nie op korttermynprestasie te fokus nie, maar eerder op prestasie van ten minste vyf jaar.

Wat ek met die grafika gedoen het, was die volgende:

  • Ek het die opbrengs op die JSE oor rollende periodes van vyf jaar (sedert 1979) gemeet. Elke vyf jaar is van Januarie tot Desember vyf jaar later, dus die eerste periode is van Januarie 1979 tot Desember 1984, die tweede periode is van Januarie 1980 tot Desember 1984, en so meer.
  • Die laaste periode is nog nie heeltemal vyf jaar nie - dis van Januarie 2013 tot Augustus 2018.
  • Om die prestasie sinvol te maak, het ek jaarliks inflasie van die JSE se indeks van alle aandele se totale opbrengs afgetrek – die prestasies wat ek hier vergelyk, is die reële jaarlikse prestasie, dus die totale opbrengs bo inflasie per jaar.
  • Totale opbrengs verteenwoordig die styging in aandeelpryse sowel as die dividende wat uitgekeer is.

 

Die reële opbrengs op die JSE beweeg selde laer as inflasie plus twee persentasiepunte.

   

Oor die afgelope 35 jaar se vyfjaarperiodes was daar slegs een negatiewe vyfjaarperiode waar die mark reëel gemiddeld met 0,9% per jaar oor die vyf jaar gedaal het. As ’n belegger aan die begin van 1994 belê het (nadat die mark in 1993 met 45% gestyg het) en vyf jaar later te midde van die Asië-gedrewe krisis in opkomendemarktekrisis in 1998 verkoop het (net voordat die mark in 1999 met 56% gestyg het), sou die belegger oor dié periode nie inflasie geklop het nie.

In elke liewe een van die ander vyfjaarperiodes sou die belegger inflasie geklop het!

Die gemiddelde reële prestasie oor vyf jaar die afgelope 40 jaar was 3,3% bo inflasie per jaar.

In die meerderheid van die 35 vyfjaarperiodes was die prestasie meer as 2% bo inflasie per jaar – dit is toevallig in die pas met die meeste langtermynbeleggingsportefeuljes se teikengroei van tussen 2% en 4% bo inflasie per jaar.

Die afgelope vier vyfjaarperiodes (eindigend Augustus 2018, Desember 2017, Desember 2016 en Desember 2015) was reële prestasie ondergemiddeld, soos die grafiek duidelik uitwys. Wat beleggers egter moet onthou, is dat, hoewel dit onder die langertermyngemiddeld was, het beleggers se totale opbrengs steeds inflasie geklop.

Wat beleggers egter moet onthou, is dat, hoewel die afgelope vyf jaar onder die langertermyngemiddeld was, het beleggers se totale opbrengs steeds inflasie geklop.

Die “net een klein foutjie” sal wees om nou beduidende veranderinge te maak aan jou portefeulje en om nou juis die fokus van jou langtermynplan en -strategie te laat dwaal.

Die geskiedenis van markprestasie wys vir jou dit is onmoontlik om te voorspel wanneer ons bogemiddelde of ondergemiddelde prestasie gaan kry – die kernboodskap bly om te fokus om jou langertermynstrategie en by die rasionele gesonde beginsels te hou!

  • Theo Vorster is die uitvoerende hoof van Galileo Capital en ’n spreker oor beleggings, landbou en politiek-ekonomiese vraagstukke. Dié rubriek was deel van die weeklikse MuntSlim-nuusbrief, wat Woensdae aan intekenare wat dit wil ontvang, gestuur word. Gaan na jou Netwerk24-profiel of klik op die skakel op MuntSlim as jy ook die nuusbrief per e-pos wil ontvang.
Meer oor:  Theo Vorster  |  Beleggings  |  Aandele  |  Jse
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

  • INDEKS
  • GELDEENHEDE
  • KOMMODITEITE
Data word met 15 min. vertraag
  • Gold Mining 1067,41 (3106)
  • Top 40 50659,45 (-32770)
  • All Share 56882,74 (-28151)
  • Resource 10 44620,89 (88898)
  • Financial and Industrial 30 75197,76 (-120859)

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.