Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Geldsake
5 wenke: Hoe om Paashaas se geldhonger te stil

Dit is nog net ’n week en dan is dit Paasfees. Hier is ’n paar wenke hoe om ’n prettige naweek te hê wat seker sal maak die Paashaas vreet nie ’n gat in jou beursie nie én wat sal keer jou kinders self soos hase rondhardloop omdat hulle té veel sjokolade geëet het.

Kleur regte eiers en steek hulle weg as Paaseiers.

1. Hou ’n skattejag

Moenie net ’n klomp paaseiers en lekkergoed in die huis of tuin wegsteek nie. Verander dit in ’n skattejag. Gee jou kinders ’n paar leidrade voordat hulle eindelik ’n mandjie met net ’n paar lekkernye kry.

2. Steek “haaskos” weg

Hase eet mos nie sjokolade nie. Steek “haaskos” soos wortels, slaai en selfs pietersielie in die tuin weg. Wanneer die kinders alles opgespoor het, kan hulle help om ’n heerlike slaai vir middagete te maak.

3. Hou piekniek

Hoewel daar nie noodwendig ’n tradisie van groot etes oor Paastyd in Suid-Afrika is nie, wil families tog dié geleentheid saam deurbring. Hou vanjaar ’n piekniek in ’n tuin, park of botaniese tuin. Laat almal ’n gereg saambring.

4. Spesiale mandjies

As jou familie daarvan hou om paaseiers en -hase te soek, kry spesiale mandjies net vir dié doel. Versier dit met elke familielid se naam. Gebruik dieselfde mandjies elke jaar net soos ’n Kerskous. Jy hoef dan nie elke jaar ’n nuwe mandjie te kry nie.

5. Gebruik regte eiers

Regte eiers is beduidend goedkoper en gesonder as dié wat van sjokolade gemaak is. Kook eiers voor die tyd en verf hulle met kleursel. As jy die eiers in die tuin wil wegsteek, hou die dop aan en verf die dop. Die eiers kan later deel van jul piekniekete word.

Meer oor:  Paasfees  |  5 Wenke
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

  • INDEKS
  • GELDEENHEDE
  • KOMMODITEITE
Data word met 15 min. vertraag
  • Gold Mining 1912,58 (3377)
  • Top 40 52166,68 (-42574)
  • All Share 58193,77 (-50385)
  • Resource 10 47450,09 (-69136)
  • Financial and Industrial 30 77684,5 (-46229)

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.