Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Geldsake
Só lyk die spesiale nuwe R5-munt

Suid-Afrika kry in 2021 ’n nuwe R5-muntstuk om die Reserwebank se eeufees te vier.

Die nuwe R5-muntstuk wat van 1 Januarie 2021 geldige valuta sal wees. Foto: Staatskoerant

Twee nuwe muntstukke sal eersdaags beskikbaar word: Een is ’n geldige betaalmiddel en die ander ’n spesiale herdenkingsmunt wat van silwer en goud gemaak is vir versamelaars.

Die nuwe R5 sal ses ouer muntstukke uitbeeld as deel van die herdenking van die 100 jaar sedert die Reserwebank in 1921 by kleinhandelbanke oorgeneem het om geldige valuta aan die land te verskaf.

Van die munte wat uitgebeeld word, sluit in die ou 1c-, ou 20c- en ou R1-munte, asook die R5-muntstuk met oudpres. Nelson Mandela se gesig daarop.

Die versamelaarsweergawe van goud en silwer van die nuwe R5-muntstuk. Foto: Staatskoerant

Die standaardmuntstuk bevat die woorde “uMzantsi Afrika” en “Suid-Afrika”, terwyl die versamelaarsweergawe tien tale sal bevat.

Tito Mboweni, minister van finansies, het Vrydag toestemming in die Staatskoerant gepubliseer waarvolgens die nuwe muntstukke van 1 Januarie af ’n geldige betaalmiddel is.

Die nuwe R5 muntstuk sal ’n deursnee van 26 mm hê en 9,5 g weeg, terwyl die versamelaarsweergawe heelwat groter sal wees met ’n deursnee van 38,725 mm en ’n gewig van 33 g.

Meer oor:  Reserwebank  |  Geldeenhede  |  Valuta
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.