Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Geldsake
Versekering: Jy kan nie teen fynskrif wen nie

Jy gaan lang trane huil as jy nie die fynskrif-bepalings in jou motorversekeringspolis uitvoer nie.

As die polis sê jy moet ’n opsporingstoestel in jou kar laat installeer, maar jy doen dit nie, sal jy nie ’n sent van jou versekeraar kry as jou voertuig gekaap word nie.

As die polis sê jy moet ’n opsporingstoestel in jou kar laat installeer, maar jy doen dit nie, sal jy nie ’n sent van jou versekeraar kry as jou voertuig gekaap word nie.

Die hooggeregshof in Pretoria het Augustus in King Price Insurance se guns bevind nadat die versekeraar geweier het om R310 000 uit te betaal vir Khomotjo Godfrey Serakwane se gekaapte voertuig.

Serakwane het in April 2016 versekering by King Price uitgeneem.

’n Voorwaarde vir die versekeringsdekking was dat ’n opsporingstoestel wat deur King Price goedgekeur is, in die voertuig geïnstalleer moet word.

Die kontrak sê dat die verbruiker geen dekking teen diefstal of kaping sal hê as dié bepaling nie nagekom word nie.

Die dag toe die kontrak gesluit is, het ’n King Price-beampte oor die foon aan Serakwane gesê hy sal die details van die opsporingsmaatskappy verskaf wat die toestel moet installeer.

Die beampte het ook gesê as Serakwane nie van die opsporingsmaatskappy hoor nie, dit Serakwane se verantwoordelikheid bly om die toestel te laat installeer.

Die beampte het nooit die besonderhede deurgegee nie.

Toe word Serakwane se voertuig gekaap.

Hy het ’n versekeringseis by King Price ingedien, maar dié het geweier om uit te betaal, omdat die toestel nie geïnstalleer was nie.

Serakwane het King Price toe in die hooggeregshof gedagvaar, wat sy eis in Julie 2017 afgewys het.

Hy het daarna ’n eis in die streekhof in Pretoria ingestel en die landdros het in Julie laas jaar King Price beveel om R310 000 skadevergoeding asook regskoste aan Serakwane te betaal.

Die landdros het bevind King Price het ’n fout gemaak deur nie die kontakbesonderhede van die installeringsmaatskappy te verskaf nie en dat daar geen plig op Serakwane was om waarde van die kar te bewys nie.

King Price het toe in die hooggeregshof geappelleer. Hy het aangevoer die landdros se jurisdiksie om in die eerste plek die saak aan te hoor, het verstryk (functus officio) omdat die eis vroeër deur die hooggeregshof afgewys is.

King Price het ook aangevoer geen getuienis is in die streekhof gelei oor die waarde van die voertuig nie. Dis dus ’n verrassing dat die landdros tot die gevolgtrekking gekom het dat Serakwane sy saak op die oorwig van waarskynlikhede bewys het.

Die regters wat die appèl aangehoor het, het King Price gelyk gegee.

Hulle het bevind die uitsluitlike verantwoordelikheid om te sorg dat die opsporingstoestel aangebring word, het op Serakwane berus.

Ondanks dit wat die King Price-beampte oor die foon gesê het, sou die voertuig nie gedek word teen diefstal of kaping voordat die toestel geïnstalleer is nie. En Serakwane het dit goed geweet.

In die appèl is bevind die landdros het nie jurisdiksie gehad om die eis aan te hoor sonder om ’n proses te volg om eers die 2017-bevel van die hooggeregshof tersyde te stel nie.

Dus is die landdros se skadevergoedingstoekenning aan Serakwane ongeldig, het die regters bevind.

Serakwane moet nou King Price se regskoste betaal.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.