Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Mediese Fondse
Alle staatswerkers kan nou na private hospitale

Staatsamptenare wat dit voorheen nie kon bekostig nie, gaan volgende jaar toegang tot private hospitale kry.

Van links is dr. Stan Moloabi, bedryfshoof, Karyna Pierce, finansiële hoof, en dr. Vuyokazi Gqola, hoofbeampte van gesondheidsorg, Donderdag op ’n aanbieding van Gems oor die veranderinge aan sy voordele vir 2020. Foto: Nellie Brand-Jonker

Gems, die mediese fonds vir staatsamptenare, stel volgende jaar op sy goedkoopste opsie ’n netwerk van private hospitale beskikbaar waarvan lede gebruik kan maak.

Die opsie, wat tot dusver Sapphire genoem is, se naam verander volgende jaar na Tanzanite One.

Volgens dr. Stan Moloabi, bedryfshoof van Gems, is dit een van die grootste voordeelveranderings wat Gems vir 2020 aangekondig het, naamlik dat dié opsie se lede toegang tot private hospitale kry.

Tot dusver moes dié lede na staatshospitale gaan. Die beperking tot staatshospitale is reeds vanjaar effens uitgebrei toe sowat 20 soorte opnames in private hospitale gedek is.

Die nuwe netwerkopsie wat Sapphire vervang, kom ná konsultasie met die bedingingsraad vir die openbare sektor (PSCBC) om ’n opsie spesifiek vir mense te ontwikkel wat op die staat se onderste salarisskale (1 tot 5) val.

Staatsamptenare op dié salarisskale verdien tipies tussen R8 000 tot R15 000 per maand.

Die staat subsidieer die premie van staatsamptenare op Sapphire reeds volledig as hulle in dié salarisskale val, maar Gems het gesukkel om baie meer mense te oortuig om lid van die opsie te word.

Moloabi het gesê hulle glo die veranderinge sal die opsie aanlokliker vir staatsamptenare maak.

Volgens Moloabi het die opsie ’n pakket van minimum voordele wat soortgelyk is aan dit wat bespreek word vir Nasionale Gesondheidsversekering (NGV).

’n Nuwe netwerk van private hospitale sal van volgende jaar af geld vir Tanzanite en vir die opsie Emerald Value.

Volgens dr. Vuyokazi Gqola, hoofbeampte van gesondheidsorg, was die doel met die nuwe netwerk om gehalte van sorg en redelike toegang tot sorg te verhoog.

Private hospitaalgroepe is vroeër vanjaar genooi om vir die netwerk te tender.

Die hospitale wat in die netwerk ingesluit is, het die beste waarde aangebied ten opsigte van gehalte en koste, sê Gqola.

Die hoofverskaffers wat gekies is, is Netcare, Mediclinic, Clinix en Lenmed. Al hul hospitale val in die netwerk.

Hospitale van Life Healthcare en die National Hospital Netwerk (NHN) sal gebruik word in die gebiede waar die hoofverskaffers nie hospitale het nie.

Die netwerk maak ook vir bemagtigingsdoelstellings gebruik van hospitale met swart eienaars en hospitale wat voorheen benadeelde gebiede bedien.

Volgens haar sal die lys van hospitale op die netwerk wat lede moet gebruik voor die einde van die jaar op Gems se webwerf beskikbaar wees.

Daar is tans 167 000 lewens wat deur Sapphire gedek word.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

  • INDEKS
  • GELDEENHEDE
  • KOMMODITEITE
Data word met 15 min. vertraag
  • Gold Mining 2417,42 (6258)
  • Top 40 48865,06 (-69430)
  • All Share 54876,82 (-74598)
  • Resource 10 43434,32 (-38670)
  • Financial and Industrial 30 73805,91 (-119542)

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.